समाचारहरु

बालाजुमा मोटरसाइकल दुर्घटना हुँदा युवकको मृत्यु

काठमाडौंको बालाजुमा मंगलबार बिहान मोटरसाइकल दुर्घटना हुँदा एक जना युवकको मृत्यु भएको छ। मंगलबार बिहान काठमाडौं महानगरपालिका-१६ बालाजु पुलवारिको सडकमा बागमती प्रदेश ०२-०२३ प ३७७५ नम्बरको मोटरसाइकलअनियन्त्रित भई खोलाको छेउको रेलिङमा ठोक्किएको थियो। दुर्घटनामा मोटरसाइकल चालक काठमाडौं लोलाङ बस्ने २२ वर्षीय सविन परियारको मृत्यु भएको प्रहरीले जनाएको छ। दुर्घटनामा गम्भीर घाइते भएका उनको पिपुल्स अस्पताल नयाँबजारमा उपचारको क्रममा मृत्यु भएको हो। दुर्घटनामा घाइते भएकामोटरसाइकलमा सवार अर्का एक व्यक्तिको सोही अस्पतालम उपचार भइरहेको छ । घटनाबारे प्रहरीले थप अनुसन्धान गरिरहेको छ।

अपडेटः रामेछापमा यात्रु बस दुर्घटना हुँदा ९ जनाको मृत्यु, २१ भन्दा बढी घाइते, गम्भीर...

२१ असार,  रामेछापको सुनापति गाउँपालिका–५ खनियापानीको लुभुघाटमा यात्रु बस दुर्घटना हुँदा नौ जनाको निधन भएको छ । दुर्घटनामा परी २१भन्दा बढी घाइते भएका छन् । गम्भीर घाइतेलाई उपचारका लागि हेलिकोप्टरबाट काठमाडौं लैजाने तयारी गरिएको छ । सुनापतिगाउँपालिकाको केन्द्र हिलेदवीबाट काठमाडौं तर्फ जादै गरेको वस लुभुघाटमा दुर्घटना भएको थियो । जिल्ला प्रहरी कार्यालयरामेछापका डिएसपी राजकुमार थिङले दुर्घटनामा परी ९ जनाको दुर्घटनास्थलमै मृत्यु भएको रामेछाप न्युजलाई जानकारी दिए  ।

माओवादी केन्द्रीय कार्यालयको विस्तारित बैठक खुमलटारमा

नेकपा (माओवादी केन्द्र) को केन्द्रीय कार्यालयको विस्तारित बैठक अहिले बसिरहेको छ। माओवादी अध्यक्ष पुष्पकमल दाहाल ‘प्रचण्ड’को निवास खुमलटारमा जारी बैठकमा पूर्वस्थायी कमिटी सदस्य र प्रदेश इन्चार्ज सहभागीछन्। बैठकमा पदाधिकारी, स्थायी समिति सदस्य र पोलिट्ब्यूरोको टुंगो लगाउने विषयमा छलफल भइरहेको एक नेताले जानकारी दिए। यसअघि आज बस्ने भनिएको माओवादी केन्द्रीय कमिटीको बैठक स्थगित भएको थियो। प्रचण्डका स्वकीय सचिव रमेश मल्लले गृहकार्य आवश्यक भएकाले आजको बैठक स्थगित भएको जानकारी दिए। कमलादीस्थित नेपाल प्रज्ञा प्रतिष्ठानमा असार १९ गते सुरू भएको माओवादी केन्द्रीय कमिटी बैठकमा आज अध्यक्ष प्रचण्डले जवाफदिने कार्यक्रम थियो। यसअघि बैठकमा बोलेका केन्द्रीय कमिटी सदस्यहरूले बैठक लम्ब्याएर भए पनि पार्टी पदाधिकारी चयन गर्नुपर्ने माग एक स्वरमाउठाएका थिए। केन्द्रीय सदस्यहरूले आगामी संघीय संसद र प्रदेश सभाको चुनावमा कसरी जाने भन्नेबारे पनि फरक धारणा राखेका छन्। धेरैलेअहिलेकै सत्ता गठबन्धनलाई कायम राखेर चुनावमा जानुपर्ने बताएका छन् भने केहीले वृहत वामपन्थी तालमेल गरेर अघि बढ्नु पर्नेबताएका छन्। यी सबै विषयमा प्रचण्डले जवाफ दिने भनिएको दिनको बैठक स्थगित भएको हो।

यस्ता छन् चलचित्र विकास बोर्ड अध्यक्षका १० दाबेदार

चलचित्र क्षेत्रको सर्वोच्च संस्था चलचित्र विकास बोर्ड अध्यक्ष पदका लागि सूचना तथा सञ्चार मन्त्रालयले मागेको आवेदन दिने म्यादआइतबार सकिएको छ । मन्त्रालयले मागेको औपचारिकता पूरा गरेर बोर्ड अध्यक्षका लागि आवेदन दिनेको संख्या १० जना पुगेको छ ।जसमा अभिनेता भुवन केसी, निर्देशक नरेश पौडेलदेखि महिला निर्देशक सुचित्रा श्रेष्ठसम्म छन् । विकास बोर्डको अध्यक्षका लागिआवेदन दिने १० ब्यक्ति को कस्ता छन् त ?  नरेश पौडेल :  तीन दशक भन्दा लामो समयदेखि नेपाली फिल्म क्षेत्रमा निर्देशक, निर्माता तथा कलाकारको रुपमा सक्रिय छन् नरेश पौडेल । २०४९सालमा ‘अपराध’ फिल्मबाट निर्देशनमा डेब्यू गरेका उनले ८ वटा फिल्म बनाएका छन् । थुप्रै फिल्ममा अभिनय गरेका उनी प्रोडक्सन हुँदैफिल्म क्षेत्रमा भित्रिएका हुन् ।  बलिउड फिल्म ‘लभ इन नेपाल’ समेत निर्देशन गरेका उनले भारतीय केही टेलिसियल  पनि निर्देशन गरेका छन् । राष्ट्रिय नाचघरकोजिएम भएर कार्य गरेको अनुभव समेत सँगालेका उनी ५, ६ भाषामा दक्खल राख्छन् ।  विकास बोर्ड अध्यक्षको जिम्मेवारी आफूले पाए चलचित्र पर्यटनको विकास, अन्तरराष्ट्रिय क्षेत्रका नेपाली फिल्मको प्रदर्शन लगायतमाकाम गर्ने पौडेलले बताए । उनीसँग पर्यटन क्षेत्रको समेत अनुभव छ । अरुणकुमार प्रधान :  २०४६ मा काँग्रेसका संस्थापक विश्वेश्वरप्रसाद कोइरालाको जन्मजयन्ती पारेर सडक नाटक ‘अँध्यारोको आवाज’ निर्देशन रअभिनयबाट कलायात्रा थालेका हुन्  अरुणकुमार प्रधान । स्व. गिरिजाप्रसाद कोइरालाको चुनावी अभियानमा पनि उनी सक्रिय थिए ।सडक तथा स्टेज नाटक, टेलिश्रृंखला, वृत्तचित्र, म्युजिक भिडियो हुँदै चलचित्रमा अभिनय, लेखन, निर्देशनमा समेत सक्रिय प्रधान चलचित्रविकास बोर्डको विभिन्न समितिमा रहेर समेत काम गरेका छन् ।  २०१८ मा अमेरिकाको न्युयोर्कमा आयोजना भएको ‘निफ’ फिल्म फेस्टिभलमा याक्खा भाषाको चलचित्र ‘ओम्ला’ बाट बेस्ट डाइरेक्टरकोअवार्ड उनले हात पारेका थिए । सूचना तथा सञ्चार मन्त्री ज्ञानेन्द्र बहादुर कार्कीको चुनावी क्षेत्रका स्थायी बासिन्दा उनी काँग्रेसभित्र पनिप्रभावशाली मानिन्छन् ।

राष्ट्रिय फुटबल टिमका तीन खेलाडी एकै दिन पुगे अस्ट्रेलिया

राष्ट्रिय फुटबल टिमका तीन खेलाडी सोमबार अस्ट्रेलिया पुगेका छन्। फरवार्ड दर्शन गुरुङ, मिडफिल्डर सन्तोष तामाङ र डिफेन्डर नवीन गुरुङ सोमबार अस्ट्रेलियाको मेलवर्न पुगेका हुन्। तीनै जना अस्ट्रेलियाको स्थानीय टिमबाट खेल्नका लागि त्यहाँ पुगेका हुन्। तीनै जनालाई युनाइटेड एफसी मेलवर्नले सोमबार स्वागत गरेको छ। क्लबले तीनै जनालाई अनुबन्धन गरेको विषयमा भने केहीखुलाएको छैन। अस्ट्रेलिया पुगेका फुटबलरले त्यहाँको स्थानीय लिग खेल्ने बुझिएको छ। युनाइटेड एफसी मेलवर्नले हाल त्यहाँको स्थानीय एमसीएसएप्रिमियर लिग २०२२ खेलिरहेको छ। एमसीएसए प्रदेशस्तरको तल्लो डिभिजनको प्रतिस्पर्धात्मक एम्याचोर  लिग हो।  लिगमा १० क्लबबीच प्रतिस्पर्धा भइरहेको छ। जहाँ यति एफसी, हिमालयन एफसी, हिमालयन टाइगर लगायतले प्रतिस्पर्धा गरिरहेकाछन्। यी टिममा नेपाली मूलका खेलाडीहरू आबद्ध छन्।  सोमबार अस्ट्रेलिया पुगेका तीनै जना पछिल्लो समय राष्ट्रिय टिममा थिए। जसमा दर्शनले पछिल्लो पटक नेपालका लागि गोल समेतगरेका थिए। दर्शनले गत महिना एएफसी एसियन कप छनोटअन्तर्गत कुवेतविरूद्ध गोल गरेका थिए।

आफैंले हानेको गोली लागेर भारतीय दूतावासमा सुरक्षाकर्मीको मृत्यु

२० असार, काठमाडौं । काठमाडौंस्थित भारतीय दूतावासमा कार्यरत एक सुरक्षाकर्मीले आफैंलाई गोली हानेका छन् । सोमबार विहान ९ बजेतिर एक सुरक्षाकर्मीले आफैंलाई गोली हानेको र उनको मृत्यु भएको दूतावास स्रोतले जानकारी दिएको छ । भारतीय दूताबासमा छुट्टै सुरक्षाकर्मी खटाउँछ । घटना भएको जानकारी दिएको भारतीय पक्षले आफैं छानविन गर्ने बताएको नेपाल प्रहरीस्रोतले बतायो ।

इटालीमा हिमनदी फुट्दा ६ जनाको मृत्यु

एजेंसी/उत्तरी इटालीमा तापक्रम वृद्धिसँगै आइतबार हिमनदी फुट्दा कम्तीमा छ जनाको मृत्यु भएको छ भने एक दर्जनभन्दा बढी बेपत्ताभएका छन्। सो दुर्घटना भेनेटोको क्षेत्रमा उच्च तापक्रम वृद्धि भएको भोलिपल्ट भएको थियो । यस क्षेत्रका केही भागहरू समुद्री सतहमा४० डिग्री सेल्सियस (१०४ डिग्री फरेनहाइट) पार गरेको स्थानीय अधिकारीहरूले जनाएका छन् ।  मार्मोलाडाको शिखरमा तापमानलगभग १० डिग्री सेल्सियस (५० डिग्री फरेनहाइट) थियो । सामान्यतया आल्प्सको अग्ला चुचुराहरूमा तापक्रम वर्षैभरि ० डिग्री सेल्सियस(३२ डिग्री फरेनहाइट) भन्दा कमी रहन्छ। इटालीको नहर शहर क्षेत्र भेनेटोमा नागरिक सुरक्षाका क्षेत्रीय काउन्सिलर जियानपाओलो बोटासिनका अनुसार, मृतक र बेपत्ता भएका भनिएका बाहेक कम्तीमा पनि आठजना घाइते भएका छन् जसमा एक जनाको अवस्था गम्भीर छ। मारमोलाडाको चुचुरो समुन्द्र सतहबाट ३,३४३ मिटर (लगभग ११,००० फिट) उचाइमा छ ।  दुर्घटना दिउँसो १.४५ बजे भएको थियो । उक्त हिमनदीमा रहेको आइस शेल्फ भत्किँदा हिउँ, बरफ र चट्टानको पहिरोले पर्वतारोही र पदयात्रीहरूको थुप्रै समूहलाई घेरेको थियो ।उक्त क्षेत्रमा थप पहिरोको जोखिम रहेको अधिकारीहरुले बताएका छन् । घाइतेहरूलाई बेलुनो, ट्रेभिसो, ट्रेन्टो र बोलजानो शहरका नजिकैका अस्पतालहरूमा लगिएको छ ।  उद्धारकर्ताहरूले हेलिकप्टर, सिकारीकुकुरहरू र अत्याधुनिक ग्लोबल पोजिसनिङ प्रविधिहरू प्रयोग गरेका थिए ।

विनोद शाही मृत्यु-प्रकरण: अदालत परिसरमै स्थानीय तथा पीडित पक्षमाथि अश्रुग्यास प्रहार

अछामको पञ्चदेवल विनायक नगरपालिका-४ का किशोर १७ वर्षीय विनोद शाही मृत्यु-प्रकरणमा न्याय माग गर्दै अदालत पुगेकास्थानीय तथा पीडित पक्षमाथि अश्रुग्यास प्रहार गरिएको छ।  अदालतमै पुगेर दोषीमाथि कारबाहीको माग गर्दै विरोध प्रर्दशन गरेपछि प्रहरीले अश्रुग्यास प्रहार गरेको जनाइएको छ। मृतक शाहीका आफन्त तथा स्थानीय सरकारी वकिलले मुद्दा अदालतसम्म नपुर्‍याउन दबाब दिएको भन्दै अदालतमै पुगेका थिए। शाहीको हत्या गरिएको भन्दै परिवारले पञ्चदेवलकी मेयर अम्बिका चलाउने, वडा नम्बर ४ का निवर्तमान अध्यक्ष सदनबहादुर शाही, दानमति बम शाहीसहित १३ जनाविरूद्ध किटानी जाहेरी दिएको थियो। मेयर चलाउनेसहित ७ जना घटनामा संलग रहेको आरोपमा पक्राउ परेका छन्। आराेप लागेका  ६ जना अझै फरार रहेको प्रहरीले जनाएको छ। शाही गत जेठ २१ गते बिहान गाउँ नजिकै जंगलमा मृत फेला परेका थिए। घटनापछि मृतक आफन्तले सत्यतथ्य हत्याराकाे पत्ता लगाई आफूहरूलाई न्याय दिनुपर्ने माग गर्दै आएका छन्।

गृहमन्त्री खाण र भारतीय राजदूत श्रीवास्तवबीच भेटवार्ता

गृहमन्त्री बालकृष्ण खाणसँग नेपालका लागि भारतीय राजदूत नवीन श्रीवास्तवले शिष्टाचार भेटवार्ता गरेका छन्। राजदूत नियुक्त भएर नेपाल आएपछि श्रीवास्तवले गृहमन्त्री खाणसँग पहिलो भेटघाट गरेका हुन्। गृह मन्त्रालयमा सोमबार बिहान भएको भेटमा दुई देशबीचको आपसी सम्बन्ध थप सुदृढ र प्रगाढ बनाउनेबारेमा कुराकानी भएकोगृहमन्त्रीको सचिवालयले जनाएको छ। भेटमा गृहमन्त्री खाणले नेपाल सरकार र भारत सरकारबीच भएको सम्झौता अनुरुप रासायनिक मल छिटो उपलब्ध गराउनका लागिसहजीकरण गरिदिन आग्रह गरेका थिए। राजदूत श्रीवास्तवले आफूले पहलकदमी लिने बताएका थिए। भेटमा गृहमन्त्री खाणले श्रीवास्तवलाई सफल कार्यकालको शुभकामना दिएका थिए।

देउवाले बोलाए कॉंग्रेस पदाधिकारी बैठक

नेपाली काँग्रेसका सभापति शेरबहादुर देउवाले पदाधिकारी बैठक बोलाएका छन् । देउवाले मंगलबार दिउँसो १ बजे बस्ने गरी पदाधिकारीबैठक बोलाएका हुन् । केन्द्रीय कार्यसमिति बैठकका एजेण्डा र पार्टीको आन्तरिक संरचना गठनका सम्बन्धनमा छलफल गर्न देउवालेपदाधिकारी बैठक बोलाएको बालुवाटार स्रोतले रातोपाटीलाई जानकारी दिएको छ । काँग्रेसले असार २७ गते दिउँसो १ बजे पार्टी कार्यालय सानेपामा केन्द्रीय समिति बैठक बोलाएको छ । स्रोतका अनुसार बैठकमापछिल्लो समय शेखर कोइराला समूहले देउवामाथि लगाएका पाँच आरोपबारे पनि छलफल हुनेछ । शेखर समूह पनि उक्त कुरा लिएरपदाधिकारी बैठकमा जाने तयारीमा छ । कोइराला पक्षीय सहमहामन्त्री जीवन परियारले आफूले उठाएका मुद्दा पदाधिकारी बैठकमापनि उठाउने बताए ।