Opens in a new tab
२०८३ मंसिर २, मंगलबार
४:०३:०२ बिहान
- ADVERTISEMENT -

रेमिट्यासको नाममा अबैध कारोबार, जापानबाट यसरी हुन्छ हुण्डी कारोबार ।

प्रकाशित मिति: २०७८ फागुन २, सोमबार

2518
Shares

टोकियो, सोमबार, २ फागुन २०७८ । पछिल्लो समय बैदेशिक रोज़गार तथा बिधार्थी भिषामा जापान आउने क्रम बढ़ेसंगै जापानमा नेपालीहरुको संख्या बढ़ेको छ । रेमिट्यास बढनुको साटो घटन थालेको रेमिट्यास ब्यबसायीले नै गैर कानुनी तरिकाले नेपालमा पठाउने गरेको पाइरहेको छ ।साथै , हङकङ, चाईना, दुबइ, थाईल्याण्डलाई मुख्य केन्द्र बनाई सुन तथा आयातित सामान खरिद गर्ने नेपाली ठुला ब्यवसायी मार्फ़त नै हुने गरेको छ ।

रेमिट्यास कम्पनीहरुले नेपालीहरुको रेष्टुरेन्ट, सुपर स्टोरहरुलाई गैरक़ानूनी रुपमा रेमिट्यासको एजेन्टहरु दिने गरेको र रकम संकलन गरी हुण्डी गर्ने एजेन्ट हरुलाई दिने गरेका छन् ।

बिधार्थी भिषामा तथा कामदार भिषामा गइरहेकोहरुको डिपेन्डेनले समेत धेरै जसो गैर कानुनी तरिकाले हुण्डी मार्फद नेपाल पैसा पठाउने गरेको पाईन्छ । पछिल्लो समय नेपाली टोकियोको गल्ली गल्लीमा रेनिट्यानको नॉंउमा, बैंक मार्फत नभई चाईनिज एजेन्टको माध्यमबाट नेपाल पैसा पठाउने काममा एक गिरोह नै सक्रिय छ । गोप्य सुचना अनुसार जापानिज एक लाख बराबर ५ हजार भन्दा बढी कमिसन दिने भन्दै प्रलोभनमा पारी पैसा असुल्ने तथा असुल्न लगाउने र नेपाल सम्बन्धित ब्यक्तीको खातामा पैसा जम्मा नगरिदिने गर्ने गरेको पाईएको छ ।

पिडितले उजुरी गर्ने पनि बलियो प्रमाण नहुने हुनाले हामीलाई प्राप्त सुचनाको आधारमा नेपालमा रहेका तथा जापानमा रहेक हुण्डी कारोबार गर्नेहरुले नेपालका राजनिति दलका नेताहरु संग फोटो खिचाई पिडितहरुलाई राजनिति पावर देखाई धम्काउने र म यसको संरक्षण मा छु भनेर सामाजिक सन्जालमा तस्बिर पोस्ट गरी ठग्ने गरेको पनि पिडितहरु बताउछन् ।

एक समुह त यस्ता पनि छन कि नेपालमा आफन्तको खातामा पैसा जम्मा गर्न लगाने र जापान मै रहेका नेपाली ब्यावसायी लाई ठग्ने हरु पनि त्यतिकै सक्रीय छन् ।

हुण्डी कारोबारीको प्रलोभनमा परी नेपाली ब्यबसायी ठगिने क्रम पनि बढ्दो छ तर ब्यवसायीहरु ऑंफु ठगिएको भन्न सकेका छैनन् ।अर्को कुरा रेमिट्यास ब्यवसायी नै हुण्डी कारोबार सम्लग्न रहेको जानकारहरु बताउछन ।

हुण्डी कारोबार के हो ?

लाखौँ नेपालीहरु वैदेशिक रोजगारमा छन् । त्यसैको बलमा देशको अर्थतन्त्र अडिएको छ । नेपालको अर्थतन्त्रलाई रेमिटेन्सले धानेको पनि भनिन्छ ।

हुन पनि हो, विदेशमा श्रम बेचेर आएको पैसा निश्चित सेवा शुल्क तिरेर बैंक वा रेमिटेन्स कम्पनीमार्फत घर पठाएर नै अर्थतन्त्रमा ठूलो योगदान पुगेको छ । तर पछिल्लो समयमा बैंकिङ च्यानलको सट्टामा अन्य दलालहरुको माध्यमबाट पैसा पठाउने क्रम बढेको छ । जसलाई हुण्डी कारोबार भनिन्छ, त्यसले अर्थतन्त्रमा ठूलो धक्का पुर्याएको छ । हुण्डीमार्फत स्वदेशमा रकम त भित्रिएको छ तर त्यसको हिस्सा देशको ढुकुटीमा नगई दलालको हातमा मात्रै सिमित भएको छ सँगै विदेशमा बगाएको पसिनाको मूल्यसमेत जोखिममा पर्ने गरेको छ ।

पछिल्लो समयमा नेपालमा हुण्डी कारोबार मौलाएको छ । समय–समयमा कारोबारी पक्राउ पर्ने घटनाले भित्रभित्रै हुण्डी कारोबारीको गिरोहले अर्थतन्त्रलाई नै गाँजेको प्रष्ट हुन्छ । एक ठाउँबाट अर्को ठाउँमा अवैध तरिकाले पैसा पठाउने तरिका हुण्डी हो । यसको अर्थ, पैसा पठाउन राज्यले तोकेको बाटो प्रयोग नगरी, गैरकानुनी बाटोको प्रयोग गरी पैसाको कारोबार गरिन्छ ।

यतिसम्म कि कालो धनलाई सेतो पार्न पनि हुण्डीको प्रयोग गर्ने गरेको सुनिन्छ । निश्चित सेवा शुल्क तिरेर बंैक वा रेमिटेन्स कम्पनीमार्फत पैसा घर पठाउनुको साटो, आफुले कमाएको पैसा विदेशमै कुनै एजेण्टलाई दिएर सोही एजेण्ट सम्बद्ध व्यक्तिमार्फत स्वदेशमा आफन्तलाई नेपाली मुद्रा उपलब्ध गराइने प्रक्रियालाई हुण्डी भनिन्छ । रेमिट्यान्स औपचारिक र अनौपचारिक गरी दुई माध्यमबाट आउँछ । औपचारिक माध्यम बैंकिङ च्यानल हो भने अनौपचारिक माध्यम भनेको हुण्डी हो ।

खासगरी अन्तर्राष्ट्रिय रुपमा पैसाको कारोबार गर्दा, अवैध बाटो हुण्डीको प्रयोग गर्ने गरिन्छ । जस्तो कि, कतारबाट नेपालमा पैसा पठाउनुपरे हुण्डीको कतारमा रहेको एजेण्टलाई पहिले पैसा दिइन्छ । पैसा पाएपछि, त्यो एजेण्टले नेपालको एजेण्टलाई खबर गरि नेपालको एजेण्टले यहाँको सम्बन्धित व्यक्तिलाई पैसा उपलब्ध गराउँछ । यसबापत उनिहरुले कमिशन लिन्छन् । आयातमा पूर्णतः निर्भर नेपालका लागि विदेशी मुद्रा अति नै महत्वपूर्ण हो, बंैकिङ प्रणालीमार्फत पठाएको रकम रकम विदेशी मुद्रामा आउँछ र बैंकले नै त्यसलाई साटेर नेपाली मुद्रा दिन्छन् । तर हुण्डी मार्फत विदेशी मुद्रा भित्रिंदैन । हुन्डी पनि रेमिट्यान्स नै हो तर रकम अनौपचारिक माध्यमबाट आउने भएकाले रेमिट्यान्समा गनिँदैन र त्यसले विदेशी मुद्रा बढाउँदैन । स्वदेशमा पैसा पाएपनि विदेशी मुद्राको सञ्चिती बढ्दैन, राज्यलाई फाइदा पुग्दैन ।

बैंकिङ प्रणालीबाट भन्दा समय कम लाग्ने, अन्य प्रकृयागत झन्झट नहुने लोभले कतिपय हुण्डी कारोबारमा लोभिएका छन् । विशेषगरि व्यापारिक सम्बन्ध भएका मुलुकहरुबाट व्यापारीहरुले विदेशी मुद्रा उतै लिएर सामान ल्याउने उपाय अपनाउँदा हुण्डी कारोबार बढेको छ । तर हुण्डी कारोबार व्यापारिक लाभका लागि मात्र सिमित छैन । लागुऔषध, हतियार तथा सुनलगायत सामान तस्करीमा पनि हुन्डीमार्फत नै आर्थिक लेनदेन हुने गरेको तथ्य बाहिर आइसकेको छ । आतंकवादी क्रियाकलापको पैसा पनि हुन्डीमार्फत नै कारोबार हुने गरेको बताइन्छ ।

गैरकानुनी रुपमा पैसा कमाउन सकिने र त्यसको कारोबारबारे सरकार बेखबर हुने भएकाले पनि कारोबारी बढेका छन् । हुन त, कतिपय देशहरुबाट अझैपनि रेमिटेन्स पठाउन भरपर्दो माध्यम नहुँदा हुण्डी कै भर पर्नुपर्ने बाध्यता छ । तर त्यस्तो कारोबारबाट राज्यलाई त घाटा हुन्छ नै त्यसभन्दा बढि विदेशमा श्रम बेच्ने नेपालीहरु नै जोखिममा पर्छन् । पैसा पठाउँदा स्रोत खुलाउनु नपर्ने, भनेको बेला पैसा पठाउन सकिने फाइदाका कारण हुण्डी कारोबार फस्टाएपनि पठाएको रकम बीचैमा हिनामिना हुने सम्भावना हुन्छ ।

गैरकानुनी कारोबार भएकाले पैसा पठाएको एजेण्ट पक्राउ परेमा महिनाँै पसिना बेचेर कमाएको धन पनि डुब्ने त्रास सँधै हुन्छ । किनभने, हुण्डीबाट गरिएको कारोबार दण्डनीय हो । हुण्डी कारोबारको अनुसन्धान नेपालमा सम्पत्ति शुद्धीकरण अनुसन्धान विभागले गर्छ । त्यसरी गैरकानुनी ढंगले पैसाको कारोबार भएको खण्डमा विभागले कारबाही गर्छ ।

दैनिकजसो हुण्डी कारोबारी पक्राउ परिरहेको घटनाले हुण्डी कारोबार एकदमै धेरै जोखिमपूर्ण छ र विश्वास गर्न उपयुक्त छैन ।

- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -
Nepal Exchange Rates
Currency
Unit
Buy
Sell
INR
Indian Rupee
100
160.00
160.15
USD
U.S. Dollar
1
150.49
151.09
EUR
European Euro
1
165.88
166.54
GBP
UK Pound Sterling
1
198.90
199.69
CHF
Swiss Franc
1
179.38
180.09
AUD
Australian Dollar
1
101.91
102.32
CAD
Canadian Dollar
1
105.46
105.88
SGD
Singapore Dollar
1
116.85
117.32
JPY
Japanese Yen
10
9.42
9.46
CNY
Chinese Yuan
1
22.56
22.65
SAR
Saudi Arabian Riyal
1
40.10
40.26
QAR
Qatari Riyal
1
41.30
41.47
THB
Thai Baht
1
4.44
4.46
AED
UAE Dirham
1
40.97
41.14
MYR
Malaysian Ringgit
1
36.82
36.96
KRW
South Korean Won
100
11.27
11.31
SEK
Swedish Kroner
1
14.94
15.00
DKK
Danish Kroner
1
22.19
22.28
HKD
Hong Kong Dollar
1
19.18
19.26
KWD
Kuwaity Dinar
1
487.65
489.60
BHD
Bahrain Dinar
1
399.07
400.66
OMR
Omani Rial
1
390.87
392.43
- ADVERTISEMENT -