- ADVERTISEMENT -

साउदी अरबमा रहनुभएका नेपालीहरुमा नेपाली राजदूतावास, रियादको सूचना

March 9, 2020
1000
Shares
- ADVERTISEMENT -

साउदी, २६ फागुन २०७६ । साउदी अरबमा पनि कोरोना भाइरस (COVID-19) को संक्रमण फैलिदै गएको सन्दर्भमा साउदी अरबमा रहनुभएका नेपालीहरुमा नेपाली राजदूतावास, रियादको सूचना ।

१. साउदी अरबको स्वास्थ्य मन्त्रालयले दिएको आज बिहान सम्मको जानकारी अनुसार साउदी अरबमा कोरोना भाइरसबाट संक्रमितहरुको संख्या १५ नाघेको छ । संक्रमितहरुलाई विशेष उपचारमा राखिएको जनाइएको छ ।

- ADVERTISEMENT -

Advertisement

२. कोरोना भाइरसको संक्रमणका विरामी धेरै देखापरेका कारण अधिकारीहरुबाट साउदी अरबको पूर्वी क्षेत्रको महत्वपूर्ण व्यपारिक शहर दम्मामको नजिकैको स्थान Qatif को आवतजावत बन्द गरिएको छ । उक्त क्षेत्रबाट बाहिर गएका बासिन्दालाई भने शहर भित्र आउन दिइएको छ । सो क्षेत्रमा सरकारी कार्यालय, निजी संस्थाहरु, यातायात तथा क्याटरिङ सेवा लगायतका सेवाहरु बन्द गरिएका छन् ।

अतः उक्त क्षेत्र र वरपर रहनुभएका नेपालीहरुले यस रोगको संक्रमणबाट बच्न सम्भव सबै उपायहरु अवलम्बन गर्नुहुन अनुरोध छ । यो एक व्यक्तिबाट अर्को व्यक्तिमा सजैलै सर्ने भाइरसका कारण हुने रोग हो ।

- ADVERTISEMENT -

Advertisement

३. संक्रमण फैलिदै गएकाले सावधानीका क्रममा साउदी सरकारले अधिराज्य भित्रका सम्पूर्ण विद्यालयहरु, विश्वविद्यालय, मदरसाहरु अर्को सूचना प्रकाशित नभएसम्मका लागि बन्द गरेको छ ।

४. सक्रमण नियन्त्रणमा अपनाइने सावधानीका क्रममा साउदी सरकारले आजैबाट United Arab Emirates, Kuwait, Bahrain, Lebanon, Syria, South Korea, Italy र Iraq का सम्पूर्ण आवागमन बन्द गरेको छ । आवागमन बन्द भएका कारण राजदूतावासले यूएई ट्रान्जिट हुदै नेपाल पठाउनका लागि आज सबेरै विमानस्थल लगिएका तीनजना नेपाली महिलाहरुलाई राजदूतावासमै फिर्ता ल्याउनु परेको छ ।

अतः विदामा नेपाल जाने, नेपालबाट परिवारका सदस्यहरु ल्याउने वा अन्य यात्रा तय गर्दा सम्पूर्ण कुराहरुलाई विचार गरी यथेष्ठ सूचनाका आधारमा मात्र गर्नुहुन अनुरोध छ ।

५. साउदी सरकारले Saudi Center for Disease Prevention and Control लाई कोरोना भाइरस परीक्षणको आधिकारिक प्रयोगशाला तोकेको छ । अतः रुघा खोकी लागेमा, ज्वरो आएमा तथा स्वासप्रस्वाशमा समस्या देखिएमा साउदी सरकारले निर्धारण गरेको परीक्षणस्थलबाट सेवा लिने प्रयास गर्नुहुन अनुरोध छ । आफूले कामगर्ने कम्पनीलाई समेत साउदी सरकारले तोकेको प्रयोगशालामा परीक्षण गराउन अनुरोध गर्नुहोस् ।

यस रोगको संक्रमणको शंका भएमा तुरुन्तै साउदी सरकारले उपलव्ध गराएको Health Service Centre को टेलिफोन नं ९३७ मा फोन गरी सल्लाह र परामर्श लिनुहुन समेत अनुरोध छ ।

६. साउदी अरबमा विभिन्न मुलुकका नागरिकहरु कार्यरत रहेका हुंदा उनीहरुसंगको भेटघाट, अंकमाल तथा हातमिलाउने कार्यलाई अत्यावश्यक अवस्थाका लागि मात्र सीमित गर्नुहुन अनुरोध छ । विदेशी नागरिकहरु धेरै भेला भएका स्थानहरुमा अत्यावश्यक भएमा बाहेक नजानुहोस् ।

७. रुघा खोकी लागेका, ज्वरो आएका तथा स्वासप्रस्वाशमा समस्या देखिएका जो कोहीसंग पनि सजगताका साथ व्यवहार गर्नुहोस् र केही दुरीमा बस्नुहोस् ।

८. नेपाली समुदायले आयोजना गर्ने सामूहिक कार्यक्रम कुनै भएका हाललाई बन्द गर्नुहोस् ।

९. नियमित हात धुनुहोस्, खोक्दा तथा हाछ्युं गर्दा अनिवार्य रुमाल वा टिस्युले नाक र मुख छोप्नुहोस् । सो उपलव्ध नभएमा हातको कुहिनाको भित्रिभागमा नाकमुख राखि गर्नुहोस् ।

१०. चराचुरूङगी तथा जनवारलाई नछुनुहोस् । कामका सिलसिलामा छुनुपरेमा प्लाष्टिकको पञ्जा प्रयोग गर्नुहोस् । मासु तथा अण्डा राम्रोसंग पकाएर मात्र खानुहोस् ।

११. मादक पदार्थ सेवनबाट शरीर शीथिल हुने र शीथिल शरीरमा रोगव्याधीले सजिलै आक्रमण गर्ने एवं शरीरमा रोग लागेको अड्कल गर्न समेत कठीन हुने भएकाले मादक पदार्थ सेवन नगर्नुहोस ।

साउदी अरबमा मादक पदार्थ सेवन गर्नु गम्भीर अपराध भएको समेत यहां पुन: स्मरण गराइन्छ ।

नेपाली राजदूतावास

रियाद ।

२०७६।११।२६

- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -