काठमाडौं, २६ जेठ २०७६ । आइतबार बेलुका काठमाडौंलगायत मध्य भूभागमा हावाहुरी तथा मेघ गर्जनसहित वर्षा हुने जनाइएको छ ।
ट्विटमा लेखिएको छ, “भर्खरै विकसित भएको प्रणालीको कारण काठमाडौंलगायत मध्य भूभागमाका धेरै स्थानमा हावाहुरी तथा मेघ गर्जनसहित वर्षाले प्रभावित हुने देखिएकाले सतर्क हुन अनुरोध छ ।”
जल तथा मौसम पूर्वानुमान महाशाखाको नेपाल मौसम पूर्वानुमानमा ट्विट गर्दै यस्तो जानकारी दिइएको छ ।
सअघि बिहीबार राति सुदूरपश्चिम प्रदेश हुँदै आएको हावाहुरीले कैलाली-कञ्चनपुरमा ठूलो जनधनको क्षति गरेको थियो । उक्त हावाहुरीमा परेर दुई जनाले ज्यान गुमाएका थिए भने करिब एक सय जना घाइते भएका थिए ।
मौसम विज्ञहरुले गर्मी अत्यधिक बढिरहेकाबेला पश्चिमी तथा पूर्वी वायुका कारण उक्त हावाहुरी आएको बताएका थिए ।
