काठमाडौँ, ८ जेठ २०७६ । विश्व वातावरण दिवस २०१९ को नारा स्वच्छ वायु स्वस्थ जीवन तय गरिएको छ । विश्वमा बढीरहेको वायु प्रदुषण न्युनीकरणमा ध्यान दिदै मानिसको दैनिक जीवन र क्रियाकलाप वातावरणमैत्री बनाउनु पर्ने देखिएको छ ।
वातावरण विभागले यस वर्षको दिवसमा वायुको गुणस्तर कायम गर्ने क्रियाकलापका लागि सबैलाई आग्रह गरेको छ । विश्व वातावरण दिवसमा गरिने कार्यक्रमका बारे जानकारी दिने उद्देश्यले जेठ ८ गते वन तथा वातावरण मन्त्री शक्ति बहादुर बस्नेतको उपस्थितीमा अन्र्तक्रिया कार्यक्रम गर्ने विभागले जनाएको छ ।
यस वर्षको वातावरण दिवसको विशेष कार्यक्रम राष्ट्रपति विद्या देवी भण्डारीले नेपालगन्जमा उद्घाटन गर्ने समेत तय भएको छ । शहरी क्षेत्र मात्र केन्द्रित गरिनुभन्दा वातवारणका विद्यमान सवाल मोफसल र प्रदेश तहमा समेत जनचेतना तथा जानकारी फैलाउनु आवाश्यक रहेको विभागका सूचना अधिकारी शंखर पौडेलले बताउनुभयो ।
