Opens in a new tab
२०८३ मंसिर ६, शनिबार
७:१६:५६ बिहान
- ADVERTISEMENT -

दसैंअघि उत्तरी सीमा नाका खुल्ने दाबी

प्रकाशित मिति: २०७९ भदौ २९, बुधबार

324
Shares

भन्सार विभागका निर्देशक मणिराम पौडेलले उत्तरी सीमा नाकाहरु यही दसैंअगाडि नै खुल्ने बताएका छन् । मंगलबार वैदेशिक व्यापारसम्बन्धी अन्तरक्रिया कार्यक्रममा निर्देशक पौडेलले चिनियाँ पक्षसँग छलफल गरेर दसैंअगाडि नै नाका खोल्ने तयारी भएको बताएका हुन् ।


उत्तरी नाकामा नेपालको कोभिड–१९ सम्बन्धी स्वास्थ्य मापदण्ड कमजोर भएको भन्दै नाका बन्द गरिएको चीन पक्षले बताउने गरेको उनको भनाइ छ । निर्देशक पौडेलले अहिले दुवै पक्षको छलफलमा नेपालतर्फको नाकामा स्वास्थ्य मापदण्ड कडाइ गरे चीन सीमा खुला गर्ने पक्षमा रहेको बताए । उनले पछिल्लो समय बैंकहरुमार्फत ५०० सय डलरसम्मको डेबिट कार्ड दिएपछि हुलाकबाट अवैध कारोबार बढेको पनि जानकारी दिए । उनले एउटै व्यक्तिले फरक फरक नाममा डिजिटल कारोबार गरेर हुलाकमार्फत व्यापार गर्ने गरेको जानकारी आएको बताए ।


त्यस्तै, नेपाल हिमालय सीमापार वाणिज्य संघका सचिव रामचन्द्र पराजुलीले सरकारले तत्काल उत्तरी सीमा नाकामा रोकिएको सामान ल्याउन पहल गर्न माग गरे । उनले राजस्व परामर्श समितिलाई लिखित रुपमा नै सुझावसहित माग पेस गरेको बताउँदै चिनियाँ नाका बन्द हुँदा नेपालीहरुको महान पर्व दसैंको लागि खरिद गरेर ल्याएका सामान नाकामा नै रोकिएको बताए । उनले दसैंमा पनि नाका खुला हुन नसके र सामान आउन नसके व्यापारीहरु पलायन हुने अवस्था आउन सक्ने भन्दै नेपाली व्यवसायीहरुले अर्बौं रुपैयाँमा खरिद गरेर ल्याएका सामान उत्तरी नाका ल्हासा, सिगात्से, केरुङ र खासामा रोकिएको बताए ।

आगामी आवको बजेट तयारी


नेपाल राजस्व परामर्श समितिका अध्यक्ष महेशप्रसाद दाहालले समितिले आगामी आर्थिक वर्षमा सरकारले बजेटमा व्यवस्था गर्नुपर्ने नीतिको विषयमा आगामी पुस महिनाभित्र नै सुझाव पेस गर्ने बताएका छन् । मंगलबार समितिको कार्यालयमा भएको वैदेशिक व्यापारसम्बन्धी अन्तरक्रिया कार्यक्रममा उनले समितिले व्यावसायिक संस्था तथा निजी क्षेत्रको सुझावसहितको प्रतिवेदन पुस महिनाभित्र बुझाउने बताएका हुन् ।
उनले सरकारले आगामी आर्थिक वर्षको बजेटमा समावेश गर्नुपर्ने विषयमा प्रदिवेदन बनाउन पाँच वटा समिति बनाएर काम गरिरहेको बताउँदै समितिले प्रदेश स्तरको राजधानीमा गएर त्यहाँका व्यवसायी र सरकारी निकायहरुको सुझावसमेत लिने तयारी भएको जानकारी दिए । उनले पछिल्लो समय आर्थिक क्षेत्रमा देखिएका समस्या र सम्भावित राजस्व विस्तारको क्षेत्रका विषयमा पनि ८ वटा अध्ययन सुरु गरिएको बताए । अध्यक्ष दाहालले चोभार सुख्खा बन्दरगाहलाई निर्यात बन्दरगाहको रुपमा लैजान सरकारलाई सुझाव दिएको बताउँदै सरकारले निर्यात बन्दरगाह बनाए निर्यातको लागि उद्योगी–व्यवसायीहरु काठमाडौं बाहिर जान नपर्ने पनि बताए ।


समितिका सदस्य लेखनाथ शर्मा पंगेनीले पछिल्लो समय वैदेशिक व्यापारमा सीमा नाकाबाट चोरीपैठारी भएको विषयमा सरकारका सम्बन्धित निकायले अनुगमन गर्न सुझाव दिएको जानकारी गराए । उनले पछिल्लो समय सीमाभन्दा बढी सामान ल्याउने र नाकामा डम्पिङ गरी बिचौलियाको संयन्त्र बनाएर बजारमा चोरी पैठारीका सामान आउने गरेको बताए । उनले सरकारलाई भन्सार विभाग, राजस्व विभाग र व्यवसायीहरुलाई समेत राखेर अन्तरक्रिया गरी अवैध व्यापार नियन्त्रण गर्न सुझाव दिएको स्मरण गराए । सदस्य पंगेनीले सरकारलाई सहज रुपमा राजस्व आउने र व्यापार–व्यवसाय पनि पारदर्शी रुपमा बनाउन सरकारलाई सुझाव दिएको भन्दै समितिले राजस्व परामर्शसँग सम्बन्धित निकाय र व्यवसायीहरुलाई समेत सचेत गराउने काम गर्दै आएको पनि स्मरण गराए ।

- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -
Nepal Exchange Rates
Currency
Unit
Buy
Sell
INR
Indian Rupee
100
160.00
160.15
USD
U.S. Dollar
1
147.98
148.58
EUR
European Euro
1
162.41
163.07
GBP
UK Pound Sterling
1
193.96
194.75
CHF
Swiss Franc
1
175.88
176.60
AUD
Australian Dollar
1
98.55
98.95
CAD
Canadian Dollar
1
103.33
103.75
SGD
Singapore Dollar
1
114.77
115.24
JPY
Japanese Yen
10
9.32
9.36
CNY
Chinese Yuan
1
22.16
22.25
SAR
Saudi Arabian Riyal
1
39.44
39.60
QAR
Qatari Riyal
1
40.61
40.78
THB
Thai Baht
1
4.36
4.38
AED
UAE Dirham
1
40.29
40.45
MYR
Malaysian Ringgit
1
35.98
36.13
KRW
South Korean Won
100
11.06
11.11
SEK
Swedish Kroner
1
14.51
14.57
DKK
Danish Kroner
1
21.73
21.82
HKD
Hong Kong Dollar
1
18.88
18.96
KWD
Kuwaity Dinar
1
478.90
480.84
BHD
Bahrain Dinar
1
392.29
393.88
OMR
Omani Rial
1
384.36
385.92
- ADVERTISEMENT -