काठमाडौं : स्वास्थ्य उचारका क्रममा चीनमा रहेका नेकपा माओवादीका नेता वर्षमान पुनले चिनियाँ कम्युनिष्ट पार्टीका नेता तथा उपमन्त्री झाओसँग द्वीपक्षीय भेटवार्ता गरेका छन्। सोमवार भएको भेटमा पुनकी श्रीमती तथा पूर्व सभामुख ओनसरी घर्ती पनि सहभागी थिइन्।
माओवादी केन्द्रका अध्यक्ष पुष्पकमल दाहाल ‘प्रचण्ड’सँगको परामर्शमा चिनियाँ उपमन्त्रीसँग दुई देश बिचको सम्बन्ध, चिनियाँ कम्युनिष्ट पार्टी र माओवादी केन्द्रको सम्बन्ध बिस्तार लगायतका विषयमा विस्तृत छलफल भएको थियो।
जण्डिस देखिएपछि करिब ३ महिनादेखि उपचार गराइरहेका नेता पुन बैंककमा अपेक्षित सुधार नभएपछि थप उपचारका लागि चीन पुगेका थिए। पुनको स्वास्थ्यमा सुधार भएपछि उनी द्वीपक्षीय भेटवार्तामा जुटेका हुन् ।









































