Opens in a new tab
२०८३ मंसिर ६, शनिबार
६:०२:५९ बिहान
- ADVERTISEMENT -

सबै दलसँग सहकार्य गर्न तयार छु : प्रम देउवा (पूर्णपाठ )

प्रकाशित मिति: २०७८ साउन ३, आइतबार

346
Shares

काठमाडौं, साउन ३ गते । प्रधानमन्त्री शेरबहादुर देउवाले दलहरुसँग विश्वासको मत माग्नुभएको छ । देशको साझा चुनौतिको सामना गर्न सबै दलसँग आफू सहकार्य र समन्वय गर्न तयार रहेको पनि उहाँले बताउनुभयो ।

प्रतिनिधिसभा बैठकमा विश्वासको मत माग्र्दै प्रधानमन्त्री देउवाले सो कुरा बताउनुभएको हो । बहुदलीय व्यवस्थामा दलहरुबीच प्रतिस्पर्धा हुनु स्वभाविक रहे पनि आफू जनताको माग पूरा गर्न केन्द्रित रहने प्रतिवद्धता जनाउनुभयो । यसअघिका प्रधानमन्त्री केपी शर्मा ओली नेतृत्वको सरकारको राम्रो कामलाई निरन्तरता दिने पनि उहाँले बताउनुभयो ।

ओली नेतृत्वको सरकारले केही राम्रो काम पनि गरेकाले प्रधानमन्त्री देउवाले त्यसकालागि धन्यवाद व्यक्त गर्नुभयो । कोभिड नियन्त्रणका लागि सरकार सबै प्रयत्न गर्ने र सबैको सहयोगको उहाँले अपेक्षा गर्नुभयो ।

प्रतिनिधिसभा बैठकमा प्रधानमत्री देउवाले विश्वासको मत माग्नु भएपछि सो प्रस्तावमाथि आफ्नो धारणा राख्नुहुँदै नेकपा ९एमाले० का प्रवक्ता प्रदीपकुमार ज्ञवालीले वर्तमान सरकार जस्केलाबाट आएकाले विश्वासको मत दिन नसकिने बताउनुभयो । राजनीतिक दलीय व्यवस्थाको प्रणाली भत्किदैगएकाले आफूहरु चिन्तित रहेको उहाँले बताउनुभयो । श्रीमान् ५ बाट देउवा प्रधानमन्त्री हुनुभएको उहाँले टिप्पणी गर्नुभयो ।

सर्बोच्चको परमादेशले शक्तिपृथकीकरणको सिद्धान्त खलबलिएको चर्चा गर्नुहुँदै प्रवक्ता ज्ञवालीले भन्नुभयो, “यसरी कसरी लोकतन्त्र संस्थागत होला रु दलीय व्यवस्था कहाँ पुग्ने होला रु” यो संविधानले कहीं कतै निर्दलीय अभ्यास गर्ने छुट नदिएको पनि उहाँले बताउनुभयो । यो अभ्यासले दलीय व्यवस्था समाप्त हुने उहाँले चिन्ता व्यक्त गर्नुभयो ।

जनता नै सर्वोच्च भएको चर्चा गर्नुहुँदै प्रवक्ता ज्ञवालीले अध्यक्ष ओली नेतृत्वको सरकारले गरेको कामले जनता धन्यवाद भन्ने उहाँले विश्वास व्यक्त गर्नुभयो । करोड बढी खोप व्यवस्थापन गरेकाले खोप लगाउँदै, चुच्चे नक्सा हेर्दै जनता एमालेलाई सम्झिने उहाँले बताउनुभयो । देशको अखण्डता, राष्ट्रियताको पक्षमा रहेकाहरु पनि ओली नेतृत्वको सरकारलाई सम्झिने उहाँले बताउनुभयो ।

राष्ट्र, राष्ट्रियताको पक्षमा अटल पहरेदारी बनेर एमालेले भूमिका निर्वाह गर्ने बताउनुभयो । एमाले रचनात्मक प्रतिपक्षको भूमिका निर्वाह गर्ने बताउनुहुँदै उहाँले सरकारको गलत कामको खवरदारी र राम्रो कामको प्रसंशा गर्ने बताउनुभयो । जुन विधिबाट सरकार परिवर्तन भयो त्यो बाटो गलत भएको र त्यसले मुलुकलाई दूरगामी असर पार्ने उहाँले बताउनुभयो ।

प्रमकाे सम्बाेधनकाे पूर्णपाठ

माननीय सभामुख महोदय,

प्रतिनिधि सभा विघटन पश्चात सम्मानीय सर्वोच्च अदालतको फैसलाले प्रतिनिधि सभा पुर्नस्थापित भएको छ । आज सभाको आठौं अधिवेशन प्रारम्भ भईरहेको छ । म सबै भन्दा पहिले सबै माननीय सदस्यहरुलाई हार्दिक बधाई दिन चाहन्छु । नेपाली जनताको ठूलो त्याग, तपस्या र बलीदानले देशमा संघीय, लोकतान्त्रिक गणतन्त्रको स्थापना भएको छ । ईतिहासको लामो कालखण्डमा लोकतन्त्रका लागि भएका राजनीतिक संघर्षमा बलीदान गर्ने सम्पूर्ण शहिदहरुलाई सम्मानपूर्वक स्मरण गर्दै हार्दिक श्रद्धान्जली व्यक्त गर्दछु । लोकतन्त्रको स्थापना र संरक्षणका लागि योगदान गर्नु हुने सबै नेपाली नागरिककाप्रति हार्दिक सम्मान व्यक्त गर्दछु ।

पटक–पटकको प्रतिनिधि सभा विघटनका कारण विगत केही समय देशमा राजनीतिक अन्यौल र अनिश्चितताको स्थिति रह्यो । नेपालको संविधानको धारा ७६ (३) बमोजिम नियुक्त हुनु भएका निवर्तमान प्रधानमन्त्री माननीय के.पी. शर्मा ओलीजीले धारा ७६ (४) बमोजिम प्रतिनिधि सभामा विश्वासको मत नलिई धारा ७६ (५) बमोजिम प्रधानमन्त्री नियुक्तिका लागि प्रक्रिया प्रारम्भ गर्न सम्माननीय राष्ट्रपतिलाई अनुरोध गर्नु भएपछि नयाँ प्रधानमन्त्री नियुक्तिको प्रकृया प्रारम्भ भयो । केही समयको राजनीतिक र संवैधानिक अभ्यास पश्चात म नेपालको संविधानको धारा ७६ को उपधारा (५) बमोजिम प्रधानमन्त्री नियुक्त भएको छु । र मेरो नेतृत्वमा मन्त्री परिषद् गठन भएको छ । मलाई प्रधानमंन्त्रीमा नियुक्त हुन सहयोग र समर्थन गर्नु हुने राजनीतिक दलका नेताहरु, माननीय सदस्यहरु लगायत सबैमा हार्दिक धन्यवाद दिन चाहन्छु । यो सरकारलाई भविष्यमा पनि निरन्तर सहयोग र समर्थन रहने विश्वास पनि लिएको छु ।

माननीय सभामुख महोदय,

अहिले मुलुक निकै जटिल अवस्थामा छ । विश्वव्यापी रुपले फैलिएको कोभिड–१९ को प्रकोपले हामी निकै प्रभावित भएका छौ । दैनिक रुपले संक्रमण बढी रहेको छ । मानिसहरुको मृत्यु भईरहेको छ । म कोभिड—१९ का कारण मृत्यु भएका सबैको आत्माको चीर शान्तिको कामना गर्दछु । शोक सन्तप्त परिवारजनमा गहिरो समवेदना व्यक्त गर्दछु । अस्पतालमा उपचार गराईरहनु भएका सबैको शिघ्र स्वास्थलाभको कामना गर्दछु । कोभिड—१९ को नियन्त्रण र रोकथामका लागि अहोरात्र खटेर काम गर्नु हुने सबैमा हार्दिक धन्यवाद दिन चाहन्छु । नेपाली नागरिकलाई कोभिड—१९ को प्रकोपबाट जोगाउने यो सरकारको पहिलो प्राथमिकता हुनेछ । सरकारले कोभिड—१९ को नियन्त्रण र रोकथामका लागि सबै उपायहरु अवलम्बन गर्नेछ भन्ने म प्रतिवद्धता व्यक्त गर्दछु ।

माननीय सभामुखमहोदय

हामी याँहा उपस्थित सबै राजनीतिक दलहरुको प्रयत्नबाट नेपालको संविधान निर्माण भएको हो । संघीय लोकतान्त्रिक गणतन्त्रको स्थापना भएको छ । यसको संरक्षण र सुदृढीकरण पनि हामी सबैको प्रयासबाट मात्र सम्भव छ । बहुदलिय व्यवस्थामा फरक–फरक राजनीतिक बिचार हुने तीनका बिचमा प्रतिस्पर्धा हुने, स्वस्थ आलोचना प्रत्यालोचना हुने विषयहरु स्वाभाविक र राम्रा हुन । ती आवश्यक पनि छन । तथापी हाम्रा केहि साझा चुनौति, उद्देश्य र गन्तव्य छन । जस्का लागि हामीले सहकार्य र सहयात्रा गर्नु पर्छ । कोभिड—१९ हाम्रो तत्कालको चुनौति हो । गरीबी, वेरोजगारी, अशिक्षा जस्ता तमाम साझा समस्या छन । नेपालको स्वतन्त्रता, सार्वभौमसत्ता, भौगोलिक अखण्डता, स्वाधीनता, स्वाभिमान हाम्रा साझा विषय हुन । नेपालको संविधानको संरक्षण र यसको असल कार्यान्वयन हाम्रो साझा गन्तव्य
हो । संघीय लोकतान्त्रिक गणतन्त्रात्मक शासन व्यवस्थाको माध्यमवाट दिगो शान्ति, सुशासन, विकास र समृद्धिको आकांक्षा पूरा गर्नु हामी सबैको साझा उद्देश्य हो । यसका लागि हाम्रा बिचमा सहकार्य र सहयात्राको आवश्यकता छ ।
सभामुख महोदय,
हामी सबैसंग आ–आफ्ना अनुभवहरु छन । माननीयके.पी. शर्मा ओलीले विगत साढे तीन वर्ष सरकारको नेतृत्व गर्नु भएको छ । वहाले गर्नु भएका असल कामका लागि म धन्यवाद दिन चाहन्छु । वहाको अनुभव हाम्रा लागि उपयोगी हुनेछ । विगतमा भएका राम्रा कामहरुलाई निरन्तरता दिदै कमी कमजोरी सुधार गर्दै लानु पर्नेछ । महत्वपूर्ण नयाँ कामहरु पनि गर्नुछ । देशमा सुशासन कायम गर्नुछ । यसका लागि सरकार, प्रमुख प्रतिपक्ष र सबै राजनीतिक दलहरु बिच निरन्तर सम्वाद, सहकार्य र सामुहिक प्रयत्न आवश्यक छ भन्ने मेरो मान्यता छ र यसका लागि म सदैव प्रयत्नशिल रहने छु । हामी राजनीतिक दलहरु एक अर्काका शत्रु होईनौ बरु हाम्रा साझा उदेश्य प्राप्तिका लागि सहयात्री हौ भन्ने भावनाका साथ काम गर्नु पर्दछ ।
सभामुखमहोदय,
संसदीय लोकतन्त्रको स्थापनाका लागि देशमा लामो त्याग तपस्या र बलीदानपूर्ण संघर्ष भएको हो । संसदलाई अधिकार सम्पन्न, जिवन्त र क्रियाशिल बनाउनु पर्दछ । सरकार संसदप्रति उत्तरदायी रहनु पर्दछ भने संसदले सरकारका सबै गतिविधिप्रति ध्यान दिई अनुगमन गर्नु
पर्दछ । यसले लोकतान्त्रिक प्रणालीलाई बलियो बनाउँछ । निरन्तरको राजनीतिक अन्यौल, अनिश्चितता र अस्थिरताले लोकतन्त्रलाई नै कमजोर गर्दछ । तसर्थ अब हामी राजनीतिक स्थिरताको बाटोमा हिड्न जरुरी छ ।

सभामुख महोदय,

म नेपालको संविधानको धारा ७६ (५) बमोजिम नियुक्त प्रधानमन्त्री भएको हुँदा नेपालको संविधानको धारा ७६ को उपधारा (६) बमोजिम विश्वासको मत प्राप्त गर्न सम्मानित प्रतिनिधि सभामा प्रस्तुत भएको छु । सबै माननीय सदस्यहरुले मलाई विश्वासको मत दिनु हुनेछ भन्ने विश्वास गरेको छु ।

धन्यवाद !

- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -
Nepal Exchange Rates
Currency
Unit
Buy
Sell
INR
Indian Rupee
100
160.00
160.15
USD
U.S. Dollar
1
147.98
148.58
EUR
European Euro
1
162.41
163.07
GBP
UK Pound Sterling
1
193.96
194.75
CHF
Swiss Franc
1
175.88
176.60
AUD
Australian Dollar
1
98.55
98.95
CAD
Canadian Dollar
1
103.33
103.75
SGD
Singapore Dollar
1
114.77
115.24
JPY
Japanese Yen
10
9.32
9.36
CNY
Chinese Yuan
1
22.16
22.25
SAR
Saudi Arabian Riyal
1
39.44
39.60
QAR
Qatari Riyal
1
40.61
40.78
THB
Thai Baht
1
4.36
4.38
AED
UAE Dirham
1
40.29
40.45
MYR
Malaysian Ringgit
1
35.98
36.13
KRW
South Korean Won
100
11.06
11.11
SEK
Swedish Kroner
1
14.51
14.57
DKK
Danish Kroner
1
21.73
21.82
HKD
Hong Kong Dollar
1
18.88
18.96
KWD
Kuwaity Dinar
1
478.90
480.84
BHD
Bahrain Dinar
1
392.29
393.88
OMR
Omani Rial
1
384.36
385.92
- ADVERTISEMENT -