काठमाडौं, बिहिबार, ५ चैत्र २०७७ । नेपाली कांग्रेसका प्रमुख सचेतक बालकृष्ण खाणले कांग्रेस मोरङका पूर्व जिल्ला सभापति तथा संविधानसभा सदस्य एवं अग्रज नेता माननीय अशोक कोइरालाको निधन प्रति गहिरो दु:ख ब्यक्त गर्नुभएको छ ।
खाणले आज बिहिबार एक शोक बिज्ञप्ति जारी गर्दै वि.स. २००४ साल विराटनगरमा जन्मनु भएका स्व. कोइरालाको गए राति उपचारको क्रममा निधन प्रति गहिरो दु:ख ब्यक्त गर्नु भएको छ ।
नेपालमा भएका हरेक लोकतान्त्रिक आदोलनहरुमा नेतृत्वदायी भूमिका निर्वाह गर्नु भएको कोइराला प्रजातन्त्र एवं लोकतन्त्र स्थापनाका लागि भएका आन्दोलनहरुमा सक्रिय रहँदा करिब १ वर्ष भूमिगत र ७ वर्ष बन्दीजीवन व्यतित गर्नु भएको थियो । स्व. कोइराला २०४९ सालमा विराटनगर नगरपालिकाको मेयर पदमा र २०५८ सालमा राष्ट्रिय सभा सदस्यमा निर्वाचित हुनु भएको थियो । त्यसैगरी २०६२।६३ साल पछि पुनस्र्थापित संसदको सदस्य र २०७० सालमा संविधानसभा सदस्य रहेका थिए ।
पार्टी संगठन, विस्तार र सुदृढिकरणमा सदैव सक्रिय रहँदै आउनु भएका नेता कोइरालाको निधनले नेपाली कांग्रेसलाई अपुरणीय क्षति पुगेको छ । उहाँले नेपालको लोकतान्त्रिक आन्दोलन र नेपाली कांग्रेस पार्टीलाई दिनु भएको अतुलनीय योगदान हामी सबैका लागि अनुकरणीय र स्मरणीय रही रहनेछ ।
नेता कोइरालाको निधन प्रति नेपाली कांग्रेस संसदीय दल गहिरो दुःख व्यक्त गर्दै र्आत्माको चिरशान्तिको कामनाका साथै उहाँ प्रति भावपूर्ण श्रद्धाञ्जली अर्पण गर्दछ । दुःखको यस घडीमा शोक सन्तप्त परिवार तथा आफन्तजनप्रति हार्दिक समवेदना प्रकट गर्दछ खाडद्वारा जारी शोक बिगप्तीमा उल्लेख छ।









































