काठमाडौं, आइतबार, २६ पुस २०७७ । काम चलाउ सरकारका प्रधानमन्त्री केपी शर्मा ओलीले गफ फिट्ने दिन गएको बताएका छन् । आइतबार राष्ट्रियसभाको अधिवेशन अन्त्यको सिफारिस गरेर बैठकलाई सम्बोधन गर्न पुगेका प्रधानमन्त्री ओलीले चुनाव घोषणा भएको भन्दै रिङमा उत्रन सबै दललाई आग्रह गरे ।
‘गफ फिट्ने दिन गए। गफ फिटेर हुन्न, चुनावी मैदानमा अब आउनुस्।’ ओलीले भने ।
निर्वाचनमा जाने भन्नेबित्तिकै धेरैको सातो गएको उनले टिप्पणी गरे । ‘रिङमा आउनुस्, जितेर बेल्ट लगाउनुस् । निर्वाचन भन्नेबित्तिकै सातो किन गएको ?’ उनले भने । साथै, आफूले गलत गरेको रहेछ भने जनतामा गएर दण्ड दिने ओलीको भनाई छ ।
उनले सरकार समर्थितहरूको प्रदर्शनको फोटो सञ्चार माध्यमहरूले नछापेको पनि बताए ।








































