गोरखा, बुधबार, १ पौष २०७७ । ललितपुरको पाटन हस्पिटलमा कार्यरत एक छोरा डाक्टर हुँदा समेत आफ्नो
५१ वर्षीय पितालाई बचाउन सकेनन् । आफ्नो कडा मेहनत गरि राम परियाले कपड़ा सिलाएर डाक्टर बनाउन सफल भएका आफ्नो छोरा राकेश परियारको प्रगति आफ्नो आखाले देख्न पाएनन् ।
गोरखाबाट सामान्य छातीमा स्वास्थ्य समस्या देखिएपछि काठमाडौं आएका राम परियारको उपचार गराउने क्रममा ५ दिन सम्म कुनै लक्ष्यण देखिएन । पाटन हस्पिटलमा
१३ दिन आइसियुमा रहेका उनको फोक्सोमा पानी जमेर जटिल निमोनियाका कारण मृत्यु हुन पुग्यो ।
आफै कार्यरत हस्पिटलमा अथक प्रयास गर्दा गर्दै पनि आफ्नो पितालाई बचाउन नसकिएको डाक्टर राकेश परियारले बताए ।
गोरखाको भिमसेन थापा गाउँपालिका ४ चौतारा घर भइ ताराखसेमा बस्दै आएका ५१ बर्षका राम परियारको गम्भीर निमोनियाका कारण निधन भएको हो ।
निमोनियाका कारण मृत्यु भएपछी अस्पतालले कोरोना पोजेटिभ भएको घोषणा गरेको थियो । मृतक परियारको हिजो मङलबार पशुपति बिधुतीय शबदाहमा दाहसंस्कार गरिएको छ ।









































