गोरखा, बुधबार, ७ असोज २०७७ । लेकमा जडिबुटी खोज्न जाने क्रममा भीरबाट लडेर गोरखामा एक युवकको मृत्यु भएको छ ।
धार्चे गाउँपालिका–२ केरौजाका अन्दाजी ३८ बर्षीय मनिरक्ष गुरुङको ज्यान गएको गाउँपालिका अध्यक्ष सन्तोष गुरुङले जानकारी दिनुभयो ।
‘भदौ ५ गते भीरबाट लडेर मरेको रहेछ,’ उहाँले भन्नुभयो, ‘मलाई हिजोमात्र जानकारी आयो अनि प्रहरीलाई खबर गरेँ ।’ अहिले घटनास्थलतर्फ प्रहरी गएको एसपी सुरेन्द्रबहादुर गुरुङले बताउनुभयो ।
गाउँपालिका अध्यक्ष गुरुङका अनुसार जडिबुटी खोज्न केही दिनअघि उनी सहितको समूह लेक गएको थियो ।
‘यो समयमा सो क्षेत्रका स्थानीय जडिबुटी खोज्न लेक जान्छन्, त्यो ठाउँमा पुग्न गाउँबाट दुई दिन पैदल जानुपर्छ,’ उहाँले भन्नुभयो । टाढा भएकाले खबर आउन ढिला भएको उहाँको भनाई छ ।









































