बाग्लुङ्ग, बुधबार, १७ भाद्र २०७७ । कर्तव्य ज्यान मुद्धाका फरार ५ जनालाई जिल्ला प्रहरी कार्यालय म्याग्दीको टोलीले पक्राउ गर्न सफल भएको छ । कर्तव्य मुद्धामा अदालतबाट दोषी ठहर भई फरार भएका ५ जनालाई एकै दिन पक्राउ गर्न प्रहरी सफल भएको हो ।
बि स २०६६ फागनु ११ गते मालिका गाउँपालिका ४ को चिउरीबोटमा महा-शिवरात्री अवसरमा दार्जिङखोला युवा क्लब ओखरबोटले आयोजना गरेको भलिबल खेल प्रतियोगितामा खेल हारेपछि बागलुङ साविक तमान गाविस ८ वस्ने २१ वर्षीय नारायण छन्त्याललाई कर्तव्य गरी ज्यान मारेको अपराधमा जिल्ला अदालत म्याग्दीबाट २० वर्ष कैदको सजाएँ भई फरार भएका पाँच जनालाई प्रहरीको टोलीले पोखराबाट पक्राउ गरेको हो ।
फरार भएका ब्यक्तिहरुलाई पक्राउ गर्न खटिएको विशेष टोलीले उनीहरुलाई पोखरामा लुकीछिपी वसेको स्थानबाट पक्राउ गरिएको प्रहरी नायब उपरिक्षक किरणजंग कुँबरले बताउनुभयो ।

उनीहरुलाई भदौं १६ गते जिल्ला अदालत बुझाई अदालतको आदेशले कैद भुक्तानीका लागि कारागार पठाइएको छ ।
जिल्ला प्रहरी कार्यालय म्याग्दीले फरार पक्राउ अभियान अन्तर्गत हालसम्म १९ जनालाई पक्राउ गरी अदालतको फैसलालाई प्रभावकारी कार्यान्वयन गर्न सफलता मिलेको प्रहरी नायब उपरिक्षक कुँबरले बताउनुभयो ।
पक्राउ परेका फरार ब्यक्तिहरुको विवरण यसप्रकार रहेको छ ।
सि न नामथर वतन उमेर कैदरसजायँ कैफियत
१. बलमान घर्ती जिल्ला म्याग्दी मालिका गा पा वडा नं ४ २८ २० बर्ष कैद
२. तिर्थेन्द्र घर्ती मगर जिल्ला म्याग्दी रुम वडा नं ५ २९ २० बर्ष कैद
३. जिवन घर्ती मगर जिल्ला म्याग्दी मालिका गा.पा वडा नं ४ ३३ २० बर्ष कैद
४. दुर्गा बहादुर घर्ती जिल्ला म्याग्दी मालिका गा पा वडा नं ४ २६ १ ० बर्ष कैद बालबालिका भएकोले आधा सजायँ भएको
५. दल प्रसाद पुन जिल्ला म्याग्दी मालिका गा पा वडा नं ४ २७ १० बर्ष कैद








































