काठमाडौं, ६ जेठ २०७७ । नेपाली सेनाले चीनबाट १८.८४ टन स्वास्थ्य सामग्री ल्याएको छ ।
नेपाल एयरलाइन्सको वाइडवडी विमानमार्फत सेनाले मंगलबार बिहान स्वास्थ्य सामग्री नेपाल ल्याएको हो ।
ल्याइएको सामानमा पिपिई, एन-९५ मास्क लगायतका सामान रहेको सेना स्रोतले बताएको छ । ती सामानहरू ग्वाङ्जाओबाट नेपाल ल्याइएको हो ।
सेनाले यसअघि नै स्थलमार्गबाट शनिबार १० कन्टेनर बढी सामान ल्याइसकेको छ। ग्वाङजाओको विमानस्थल व्यस्त भएपछि ती सामान स्थलमार्गबाट भित्र्याइएको थियो । कन्टेनरमा करिब ८ टन सामान भएको जनाइएको छ ।








































