काठमाडौं, १३ माघ २०७६ । सभामुख निर्वाचनका लागि आइतबार बोलाइएको संसद बैठकलाई सम्बोधन गर्दै प्रमुख प्रतिपक्षी दल नेपाली काँग्रेसका सांसद मिनेन्द्र रिजालले सभामुखमा उम्मेदवारी नदिने निर्णय गरेको बताएका छन् ।
आइतबारको संसद बैठकलाई सम्बोधन गर्दै कांग्रेस बाहिर यसको अपब्याख्या भएको भन्दै रिजालले भने, काँग्रेसले उपसभामुखका लागि बार्गेनिङ गर्न उम्मेदवारी दिएन भनियो । तर उपसभामुखका लागि हामीसँग मत पनि छैन, कमण्डलु लिएर आएका पनि छैनौं ।’
उनले उपसभामुख कताबाट छान्दा सत्तालाई सजिलो पर्छ भनेर सभामुख र उपसभामुख फरक दलको हुने व्यवस्था संविधानमा नराखिएको जनाए ।








































