पोखरा, ५ मङ्सिर २०७६ । सुन्दर नगरी पोखरामा राष्ट्रिय लोक तथा दोहोरी गीत प्रतिष्ठान नेपालको ७ औ केन्द्रीय महाधिवेशनको सम्पूर्ण तयारी पूरा भएको छ । महाधिवेशन पोखरामा मङ्सिर ६ गतेदेखि ८ गतेसम्म हुने मुल आयोजक समितिले जनाएको छ ।
प्रतिष्ठानका अध्यक्ष तथा महाधिवेशन मुल आयोजक समितिका संयोजक बद्रि पँगेनीले महाधिवेशनको तयारी सकिएको जानकारी दिनु भयो । बिहान ११ बजे पाेखरा चिप्लेढुङगाबाट झाँकी -र्याली सहित महेन्द्र पुल, नयाँ बजार हुदै पोखराको प्रदर्शनी केन्द्रमा गण्डकी प्रदेशका मुख्य मन्त्री पृथ्वी सुब्बा गुरूङले दिउसाे १ बजे उद्घाटन गर्ने कार्यक्रम तयारी गरिएको छ ।
त्यसैगरी, पोखरा सभागृहमा बन्दसत्र र निर्वाचन हुने कार्यक्रम रहेको छ । महाधिवेशनमा मुलुकका ५८ जिल्लाका प्रतिनिधि र उपत्यका समन्वय समिति सहित १३ सय १० जना मतदाता रहेका छन् ।
यस अघि ४५ सदस्यीय केन्द्रीय कार्यसमिति निर्माण गरिएकोमा अहिले बिधान समितिमा लग ५५ जनाको कार्यसमिति निर्वाचित गरिने अध्यक्ष बद्री पंगनीले जानकारी दिनुभयाे ।
प्रतिष्ठानको नयाँ नेतृत्वको लागि लोक गीतका सर्जक एवं लाेक दाेहाेरी गायक रमेश बिजी र लोक गायक विष्णु खत्रीले औपचारिक रूपमा अध्यक्षमा उमेदवारी घोषणा गर्नु भएको छ ।
त्यसैगरी, विभिन्न पदमा पनि विभिन्न जिल्लाका पदाधिकारी तथा गायक गायिकाले आफ्नो उमेदवारी घाेषणा गरेका छन् भने केही कलाकारहरूले भने उमेदवारी घाेषणा गर्ने बाँकी रहेकाे आयोजकले जनाएको छ ।
नयाँ कार्यसमितिका लागि चार महिनादेखि सहमतिको प्रयास भएको तर सहमति हुन नसके निर्वाचन प्रकृयामा जानु परेको अध्यक्ष बद्री पंगनीले जानकारी दिनुभयो ।
निर्वाचन हुने अवस्था आएमा मतदातालाई फोटो सहितको नामावलीको व्यवस्था गरिएको र यस्तो व्यवस्थाले निर्वाचनलाई निष्पक्ष बनाउने उहाँकाे दावी छ । महाधिवेशन सम्पन्न गर्न ७६ लाख रुपैंया खर्च लाग्ने अनुमान गरिएको छ ।
त्यसैगरी, महाधिवेशनकाे अबसर पारीपुर्व अध्यक्ष एवं कलाकार कल्याणकारी काेषका परीकल्पनाकार दुर्गा रायमाझी, लाेक दाेहाेरी गायिका लक्ष्मी सुवेदी,पत्रकार हेमराज अधिकारीलाई सम्मान गरिने लगायत बाध्यबाधक ,हास्य क्षेत्रकाे पनी आकर्षण बढाउने कार्यक्रम समेत रहेको छ ।
कार्यक्रममा प्रतिष्ठान गण्डकी प्रदेशका अध्यक्ष सुरेन्द्र गुरुङले स्वागत मन्तब्य र सचिव राजन कार्कीले कार्यक्रम संचालन गर्नु भएकाे थिए ।








































