काठमाडौँ, ३ मंसिर २०७६ । नेपाली कांग्रेसका नेता सुरेन्द्र पाण्डेले वर्तमान सरकार सवै क्षेत्रमा असफल भएको दावी गर्नुभएको छ ।
उहाँले सरकार गठन भएको २१ महिना पुरा हुँदा समेत जनआकांक्षा अनुसार जान नसकेको र महंगीका कारण जनतालाई जिवन चलाउन मुस्किल हुदै गएको बताउनु भयो ।
दुइतिहाई बहुमत सरकारले २१ महिनाको समयमा केहि गर्न नसक्नुले एउटा मात्र नभएर सवै क्षेत्रमा असफलता मात्रै हात पारेको बताउनुभयो । संविधान कार्यन्यन, आर्थिक विकास, विदेश नीति जस्ता विषयमा ओली सरकार पुर्ण असफल भएको उहाँको भनाई छ ।
नेता पाण्डेले मुल्यबृद्धिले सीमा नाघिसकेको भन्दै सरकारलाई बारम्बार सजग गराउदा पनि लोकतन्त्र प्रति विश्वास नगर्ने सरकार भएकाले प्रतिपक्षको आवाज नसुनेको तर,कांग्रेसले सरकारलाई जनताको आवाज सुन्न बाध्य बनाउने दावी गर्नुभयो ।
उहाँले सरकारको नेतृत्व गरिरहनुभएको प्रधानमन्त्रीले बोलेर मात्रै समय विताएको भन्दै प्रधानमन्त्रीको पद भाषण गर्ने नभएर काम गर्ने भएको बताउनुभयो । बालुवाटारमा पत्रकार र कार्यकतालाई बोलाएर भाषण सुनाउने भन्दा प्रधानमन्त्री एक्सानमा गएर मेडिकल, डेक्ेदार कालाबजारियालाई कारवाही गर्नुपर्ने धारणा राख्नु भयो ।
उहाँले, “सरकर गठन भएको २१ महनिा भयो यो अवधिमा प्रधानमन्त्री पुर्र्णरुपले असफल हुनुभएको छ । संघीयता कार्यन्वयनमा असफल हुनुभयो । संविधानको भावना अनुसर अधिकार प्रत्यायोजन भएनन । अहिले आएका प्राय विधेयकहरु विवादित छन । संविधान विपरित कानुन बनाएर विधेयक मार्फत कस्न खोजिएको छ,” भन्नुभयो ।
पाण्डेले अर्थतन्त्र धरासायी हुदै गएकाले सरकराले आन्तरिक रुपले कर्मचारीलाई तलव खुवाइ नसक्ने अवस्था आएको र सरकारको निस्कृयताले जनता निरास भएर यो व्यास्था प्रति जनताको नकारात्मक भावना बढ्न सक्ने खतरा रहेको बताउनुभयो ।








































