Opens in a new tab
२०८३ मंसिर १, सोमबार
६:३०:१३ बिहान
- ADVERTISEMENT -

संविधान परिवर्तनीय दस्तावेज भएकाले समयअनुसार परिमार्जन गर्न सकिन्छ: सिटौला

प्रकाशित मिति: २०७६ असोज ४, शनिबार

930
Shares

काठमाडौं, ४ असोज २०७६ । संविधान दिवसको अवसर पारेर शुक्रबार काठमाडौंमा आयोजित एक कार्यक्रमलाई सम्बोधन गर्दै प्रमुख प्रतिपक्ष दल नेपाली काँग्रेसका नेता कृष्णप्रसाद सिटौलाले संविधानको आलोचना मात्रै नगर्न असन्तुष्ट पक्षलाई आग्रह गरे ।

संविधानसभाबाट निर्माण भएको संविधानलाई केही पक्षले पूराना संविधानहरुसँग तुलना गरिरहेको भन्दै नेता सिटौलाले आपत्ति जनाएका छन् ।

उनले जनताको ठूलो संघर्षबाट बनेको संविधानलाई पञ्चायत र राणाकालमा बनेको संविधानसँग तुलना गर्नै नसुहाउने बताएका छन् ।

सोहि कार्यक्रममा बोल्दै काँग्रेस नेता सिटौलाले संविधान कार्यान्वयनमा त्रुटि भए सच्याउँदै लैजान सकिने तर त्यसको आलोचना गरेर मात्रै नहुने स्पष्ट पारे ।

नेता सिटौलाले संविधान परिवर्तनीय दस्तावेज भएकाले यसलाई समयको मागअनुसार परिमार्जन गर्दै लैजान सकिने पनि स्पष्ट पारेका छन् ।

- ADVERTISEMENT -