कास्की, २४ जेठ २०७६ । हिमाल, पहाड, तराई–मधेस जागरण अभियान अन्तरगत नेपाली कांग्रेस कास्कीले आज बृहत आमसभाको आयोजना गरेको छ ।
आज विहान कार्यक्रमको उद्घाटन हुनु भन्दा पहिले पोखरा पृथ्वीचोकबाट नारा जुलुस सहित बृहत ¥याली सुरू हुने र ¥याली पोखराको चिप्लेढुङा पुगेर आमसभामा परिणत हुने कास्की कांग्रेसका कोषाध्यक्ष लक्ष्मी पाण्डेले जानकारी दिईन् ।
केन्द्रीय नेताहरु डा प्रकाश शरण महत र अर्जुनप्रसाद जोशीको उपस्थीतिमा हुने कार्यक्रममा हजारौँ कार्यकर्ता उतार्ने कास्की कांग्रेसको तयारी छ । कास्कीमा केन्द्रीय प्रतिनिधिका रुपमा जोशी एक महिनादेखि कार्यकर्ता माझ नै रहेका छन् ।
उनका अनुसार कार्यक्रमा सहभागीहरु कांग्रेसका केन्द्रीय नेताहरु शुक्रबार नै पोखरा पुगिसकेका छन् । कांग्रेस कार्यकर्ताको शुक्रबारदेखि नै कास्कीमा बाक्लै चहलपहल देखिएको छ ।








































