प्रधानमन्त्रीको सरकारी निवास बालुवाटारमा सोमबार बसेको सत्तापक्ष र प्रतिपक्षीबीचको बैठक निष्कर्षविहीन टुंगिएको छ।
संसद्को जारी गतिरोध अन्त्य गर्नेगरी सत्ता र प्रतिपक्षी दलका नेताहरू छलफलमा जुटेका थिए। छलफलमा संसदीय छानबिन समितिको टीओआर कार्यदलका सदस्यहरू पनि सहभागी थिए।
प्रधानमन्त्री पुष्पकमल दाहाल प्रचण्डले सहमतिको प्रयास हदैसम्म गरेपनि सत्तारुढ अन्य दलका कारण सहमतिमा समस्या आएको कांग्रेस सांसद जीवन परियारले बताए।
उनका अनुसार आजै दिउँसो १ बजे पार्टी सभापति शेरबहादुर देउवाको निवासमा कांग्रेस पदाधिकारीसहितको बैठक बस्दैछ।
सो बैठकपछि पुनः आजै साँझ प्रधानमन्त्रीसँग पनि अर्को चरणको छलफल हुने परियारले बालुुवाटार बैठकपछि जानकारी दिए।








































