राजेन्द्रसिंह रावललाई दलको नेताबाट हटाइँदै, नयाँ नेताका लागि तीन सांसद दौडमा

नेकपा (एमाले) सुदूरपश्चिम संसदीय दलका नेता एवं पूर्वमुख्यमन्त्री राजेन्द्रसिंह रावलको कार्यशैली र भूमिकाप्रति असन्तुष्टि चुलिएपछि उनलाई पदबाट हटाउने विषयमा निर्णय लिन आज अध्यक्ष केपी शर्मा ओलीको निवास गुण्डुमा निर्णायक छलफल हुँदैछ। लामो समयदेखि सम्पर्कविहीन रहेको र जिम्मेवारी कुशलतापूर्वक निर्वाह नगरेको भन्दै प्रदेश कमिटी र सांसदहरूले नेतृत्व परिवर्तनको माग गरिरहेका बेला केन्द्रीय नेतृत्वले सुदूरपश्चिमका प्रदेशसभा सदस्यहरूलाई छलफलका लागि बोलाएको हो। रावललाई हटाउने तयारी भइरहँदा नयाँ नेताका लागि सन्तोष शर्मा, चक्रबहादुर मल्ल र धर्मराज पाठक दौडमा रहेका छन् भने आजको बैठकमा सुदूरपश्चिम सरकारमा सहभागी एमालेका मन्त्रीहरूको कार्यसम्पादनबारे समेत समीक्षा गरिने बताइएको छ।