गोरखा, फागुन २१ — नेपाली कांग्रेसका तर्फबाट गोरखा–१ प्रतिनिधि सभा सदस्य उम्मेदवार Prem Kumar Khatri ले आफ्नो घोषणा–पत्र सार्वजनिक गरेका छन्। उनले चुनाव जितेमा बहुप्रतीक्षित Budhi Gandaki Hydropower Project लाई तीव्र रूपमा अघि बढाउने र उत्तरी गोरखाका स्थानीय तहलाई विशेष/स्वायत्त क्षेत्र घोषणा गर्न पहल गर्ने प्रतिबद्धता व्यक्त गरेका छन्।
घोषणा–पत्रमा बूढीगण्डकी आयोजना अन्तर्गत पुनर्वास, पुनर्स्थापना, मुआब्जा वितरण, ऐलानी जग्गा दर्ता छुट तथा सुकुम्बासी व्यवस्थापनमा देखिएका समस्या समाधानका लागि नेतृत्वदायी भूमिका खेल्ने उल्लेख छ। आयोजना निर्माण तथा निर्माणपश्चात सृजना हुने अवसरहरूमा स्थानीय बासिन्दालाई रोजगारी र स्वामित्वमा प्राथमिकता दिलाइने पनि उनले बताएका छन्।
त्यसैगरी, उत्तरी गोरखाको भौगोलिक संवेदनशीलतालाई ध्यानमा राख्दै Chum Nubri Rural Municipality र Dharche Rural Municipality लाई संविधान बमोजिम विशेष, स्वायत्त वा संरक्षित क्षेत्र घोषणा गर्न आवश्यक पहल गरिने उल्लेख गरिएको छ। मनास्लु क्षेत्रमा कायम निषेधित सेवा हटाउन समन्वय गर्ने र चुम भ्यालीलाई विशेष सांस्कृतिक तथा कृषि गाउँ घोषणा गर्ने योजना पनि सार्वजनिक गरिएको छ।
खत्रीले आफ्नो निर्वाचन क्षेत्रमै सचिवालय स्थापना गरी नागरिकका गुनासा प्रत्यक्ष रूपमा सम्बोधन गर्ने, सांसदको सुविधा बराबर रकम समाजसेवामा लगाउने तथा सम्पादन गरेका कामहरूको विवरण डिजिटल माध्यमबाट सार्वजनिक गर्ने बताएका छन्। संसदमा कुनै विधेयक पेश गर्नुअघि स्थानीय सरोकारवालासँग अनिवार्य परामर्श गर्ने प्रतिबद्धता पनि घोषणा–पत्रमा समेटिएको छ।
पर्यटन प्रवर्द्धनतर्फ ऐतिहासिक Gorkha Durbar लाई विश्व सम्पदा सूचीमा सूचीकृत गराउन पहल गरिने जनाइएको छ। साथै Manakamana Temple, गोरखकाली मन्दिर लगायत धार्मिक तथा सांस्कृतिक सम्पदाको संरक्षण र प्रवर्द्धनमा जोड दिइने उल्लेख छ।
युवा तथा शिक्षातर्फ प्राविधिक शिक्षालय स्थापना, आइसिटी ल्याब र डिजिटल कक्षाकोठा निर्माण, कुक, ट्रेकिङ गाइड, बारिस्टा र होटल व्यवस्थापनसम्बन्धी तालिममार्फत रोजगारी सुनिश्चित गर्ने योजना अघि सारिएको छ। स्वास्थ्य क्षेत्रमा दुर्गम बस्तीमा टेलिमेडिसिन सेवा र सुविधासम्पन्न ल्याब स्थापना गर्ने प्रतिबद्धता पनि जनाइएको छ।
कृषि तथा प्राकृतिक स्रोतको सदुपयोग गर्दै कफी, जडीबुटी, सुन्तला, अदुवा, कागती तथा दुग्धजन्य उत्पादनलाई प्राथमिकता दिने र गोरखामा रहेका खनिज स्रोतको वैज्ञानिक अध्ययन तथा उपयोगका लागि राष्ट्रिय नीति निर्माणमा पहल गर्ने उनले बताएका छन्।
खत्रीको घोषणा–पत्रले गोरखालाई ऊर्जा, पर्यटन, कृषि र सांस्कृतिक सम्भावनाको केन्द्रका रूपमा विकास गर्ने दीर्घकालीन दृष्टिकोण प्रस्तुत गरेको छ।
