Opens in a new tab
२०८३ मंसिर ६, शनिबार
३:२८:४१ दिउँसो
- ADVERTISEMENT -

बालेनलाई उपप्रमुख डंगोलको चुनौती : कोठामा बसेर होइन, कार्यालयमा आएर समाधान दिनू

प्रकाशित मिति: २०८१ चैत २१, बिहीबार

131
Shares

काठमाडौं महानगरपालिकाका प्रमुख प्रशासकीय अधिकृत सरोज गुरागाईं ३ महिना १४ दिनपछि बिहीबार कार्यालय छिरेका छन् ।

संघीय मामिला तथा सामान्य प्रशासन मन्त्रालयले गुरागाईंलाई काठमाडौं महानगरपालिकामै हाजिर गर्ने वातावरण बनाइदिनु भन्दै एक महिनाअघि पत्र पठाएको थियो ।

पत्र पठाएको एक महिनापछि गुरागाईं वडाध्यक्ष र कर्मचारीको जोडबलमा महानगरपालिका छिरेका हुन् ।

उपप्रमुख सुनिता डंगोल, अधिकांश कार्यपालिका सदस्य, वडाध्यक्षहरू र कर्मचारी पनि उनी कार्यालय पुग्दा सँगै थिए

मेयर बालेन साहले उनलाई अवरोध गर्न नगरप्रहरी परिचालन गरेका थिए। तर नगरप्रहरीको अवरोध छिचोल्दै उनलाई कर्मचारीले कार्यालय प्रवेश गराए ।

कार्यालय प्रवेश गरेपछि पनि उनी कार्यकक्षमा प्रवेश गर्न खोजे । तर ताला लगाएकाले सम्भव भए । त्यसपछि कार्यपालिका सदस्यहरूको बैठक बसेर उनलाई कार्यकक्ष छिराइयो । मेयरले लगाएको ताला तोडेर गुरागाईंलाई कार्यकक्षमा छिराइएको हो ।

गुरागाईं कार्यकक्षमा प्रवेश गर्न नपाएपछि बोर्ड बैठक हलमा उपप्रमुख सुनिता डंगोल, वडाध्यक्ष सबैको बैठक बस्यो ।

अनौपचारिक बैठकमा उपप्रमुख डंगोलले मेयर साहको चर्को आलोचना गरिन् । कसैको मनमुटाव होला जनप्रतिनिधि भएकाले नागरिकको सेवामा तल्लिन हुनुपर्ने उनको मत थियो ।

उनले हरेक घटनाक्रमा आफूहरू जानकार रहेको भन्दै मेयर साहलाई कोठामा बसेर निर्देशन नदिन चेतावनी दिइन् ।

‘मन्त्रालयबाट पठाएपछि प्रमुख प्रशासकीय अघिकृत हाजिर गर्न आउनु भएको छ,’ उनले भनिन्, ‘उहाँ हाजिर गर्न आउँदा झडपको अवस्था हुनु राम्रो कुरा होइन । कर्मचारी–कर्मचारीबीच लडाइँ हुनु पनि राम्रो होइन ।’

उनले यस्तो मनमुटाव संस्थाभित्र हुन नहुने भन्दै प्रमुख प्रशासकीय अघिकृत दोषी प्रमाणित भएको अवस्थामा कारबाही गर्न तयार रहेको उल्लेख गरिन् ।

अहिले उनलाई दोषी प्रमाणित गर्न नसकेको उनको भनाइ थियो । ‘त्यसैले उहाँलाई हाजिर गर्ने व्यवस्था गर्नुपर्छ । हजारौँ कर्मचारी र लाखौँ काठमाडौंवासीले दुःख पाएका छन् । क्यान्सरपीडितलाई पनि पैसा दिन सकेका छैनौँ । अझै छानबिन गर्नुपर्ने भए गर्ने हो । तर, यो पीडामा राख्नु हुँदैन’, उनले भनिन् ।

उनले महानगरवासीको हित चाहने हो भने सबै एकजुट हुनुपर्ने बताइन् । ‘यो तमासा हामीले हेर्नुपर्ने ? मेयरको आदेश हो भने मेयर अघि आउनुपर्छ । होइन भने कोठामा बसेर आदेश दिन पाइँदैन’, उनले भनिन्, ‘पहिला आजको विषय समाधान गर्छौँ । त्यसपछि बोर्ड बैठक बस्छौँ । आजका लागि यो समस्या समाधान गर्नुपर्छ ।’

प्रवक्ता नवीन मानन्धरलगायत सबै वडाध्यक्षले पनि मेयर साहको चर्को आलोचना गरेका थिए ।

नगरप्रहरी प्रमुख राजु पाण्डेलाई उपप्रमुख डंगोलले ताला किन लगाएको भनेर प्रश्न गर्दा उनले गोलमटोल जवाफ दिए । उपप्रमुख डंगोलले घेरेपछि पाण्डेले मेयरको मौखिक आदेशमा ताला लगाएको बताएका थिए ।

कार्यकारी अघिकृतल कार्यालय प्रवेश गरेर कार्यकक्षमा पस्न खोजे पनि मेयर साहले उनको कार्यकक्षमा ताल लगाएर चावी आफैँ बोकेर वेपत्ता भएका कारण केहीबेर प्रमुख प्रशासकीय अघिकृत बाहिरै बसेका थिए ।

मेयर बालेन साहले लामो समयदेखि व्यक्तिगत ‘इगो’ का कारण प्रमुख प्रशासकीय अघिकृतलाई कार्यालय प्रवेशमा रोक लगाएर कर्मचारीको नियमित तलबसमेत रोक्का गरिदिएको भन्दै कर्मचारी असन्तुष्ट बनेका थिए ।

गुरागाईं कार्यालय पुग्दा सबैले मेयरविरुद्ध नाराबाजी गर्दै अघि बढाएका थिए । त्यहाँ कर्मचारी र वडाध्यक्षले समेत मेयर साहले समस्या समाधानमा भन्दा स्टन्टमा बढी ध्यान दिँदा समस्या भएको भन्दै विरोध गरेका थिए ।

- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -
Nepal Exchange Rates
Currency
Unit
Buy
Sell
INR
Indian Rupee
100
160.00
160.15
USD
U.S. Dollar
1
147.98
148.58
EUR
European Euro
1
162.41
163.07
GBP
UK Pound Sterling
1
193.96
194.75
CHF
Swiss Franc
1
175.88
176.60
AUD
Australian Dollar
1
98.55
98.95
CAD
Canadian Dollar
1
103.33
103.75
SGD
Singapore Dollar
1
114.77
115.24
JPY
Japanese Yen
10
9.32
9.36
CNY
Chinese Yuan
1
22.16
22.25
SAR
Saudi Arabian Riyal
1
39.44
39.60
QAR
Qatari Riyal
1
40.61
40.78
THB
Thai Baht
1
4.36
4.38
AED
UAE Dirham
1
40.29
40.45
MYR
Malaysian Ringgit
1
35.98
36.13
KRW
South Korean Won
100
11.06
11.11
SEK
Swedish Kroner
1
14.51
14.57
DKK
Danish Kroner
1
21.73
21.82
HKD
Hong Kong Dollar
1
18.88
18.96
KWD
Kuwaity Dinar
1
478.90
480.84
BHD
Bahrain Dinar
1
392.29
393.88
OMR
Omani Rial
1
384.36
385.92
- ADVERTISEMENT -