कपिलवस्तु, ४ चैत्र २०७८ । लामो समय देखी कपिलवस्तुमा कृषिसँग संबंधित उपकरणहरुको बिक्री बितरण गर्दै आएको जय किसान एग्रो मार्ट एण्ड मेसिनरीको आज बालकृष्ण खाँडले अबलोकन गर्नुभएको छ ।
१२ औं कपिलवस्तु महोत्सवको उद्घाटन गर्न कपिलवस्तु पुग्नु भएका खाँडले महोत्सवमा रहेको सो एग्रो स्टलको अबलोकन गर्दै उहाँले आफुले कृषि क्षेत्रलाई विशेष प्राथमिकतामा राखेको र किसान केन्द्रित निति तथा योजना निर्माणलाई विशेष ध्यानमा राखेको बताउनु भयो ।
उहाँले कृषि क्षेत्रमा आधुनिकीकरणका निम्ति युवाको अतुलनीय भुमिका रहने कुरा उल्लेख गर्दै नयाँ र नविनतम कृषि उपकरण भित्राउन सके छिटै नै कृषिमा आत्मनिर्भर बन्न सकिने बताउनु भयो । साथै सो क्रममा युवा टि आर पाण्डेले संचालनमा ल्याएको कृषि मार्ट र यस्ले कृषि आधुनिकीकरणको क्षेत्रमा गरेरहेको योगदानको खुलेर प्रसंसा समेत गर्नु भयो ।
