बिहीबारदेखि राजधानीमा वर्षा हुन छाडेपनि मौसम अझै खुल्न सकेको छैन । काठमाडौं उपत्यकामा शुक्रबार बिहानैदेखि बाक्लो हुस्सु लागेको छ । हुस्सुको कारण भिजिबिलिटी कमजोर बन्यो।
मौसम पूर्वानुमान महाशाखाका अनुसार शुक्रबार बिहानैबाट देशभर नै बाक्लो हुस्सु र कुहिरो लागेको हो । पश्चिमी न्यून चापीय प्रणाली, भारतको उत्तर प्रदेशको पूर्वी भूभाग र बिहार आसपासमा रहेको न्यूनचापीय क्षेत्रको प्रभावका कारण पनि हुस्सु लागेको हो ।
हुस्सुका कारण बिहान आन्तरिक र बाह्य कुनैपनि उडान हुन सकेन । त्रिभुवन विमानस्थलमा बिहान भिजिबिलिटी घटेर १ सय मिटरमा झरेको थियो । अहिले भिजिबिलिटी केही बढे पनि अझै उडान सूचारु हुन नसकेको विमानस्थल कार्यालयले जनाएको छ ।
