काठमाडौं, ११ साउन २०७८ । नेपाली लोक संस्कृतिको संरक्षण र संवर्धन गर्ने उद्देश्यले दोहोरी च्याम्पियन रियालिटी सो उत्पादन एवं नियमित प्रसारण नेपाल टेलिभिजनमा भइरहेको छ ।
दोहोरी च्याम्पियन कार्यक्रमको प्रस्तोताका रूपमा बद्री पङ्गेनी र प्रीति आले रहेका छन् भने निर्णायकमा प्रजापति पराजुली, रमेश बिजी, सीता थापाल लगायतका जर्ज रहेका छन् ।
कूल रु ३५ लाख राशि पुरस्कार रहेको यस कार्यक्रममा प्रथम, द्वितीय, तृतीय र चौथो हुने गायक समूहले क्रमशः रु २० लाख, १० लाख, तीन लाख र दुई लाख पुरस्कार पाउनेछन् । यतिबेला लोकदोहोरी च्याम्पियन एक स्टेज माथि पुग्न अर्थात सफलता चुम्नको लागि जर्जको अंक सहित दर्शक स्रोताको भोटको खाचो रहेको छ ।
तपाईलाई मन परेको जोडीलाई अर्को अंकमा अर्थात जिताउनको लागि अब देखि भोटिङ गर्नु पर्ने हुन्छ । दोहोरि च्याम्पियनका एक प्रतिस्प्रधी हुन् स्याङ्जा वालिङमा जन्मेका प्रकाश पराजुली । बिगत केहि बर्ष देखि निरन्तर गित संगीतमा लागेका प्रकाश पराजुली यतिबेला सबैका लोकप्रिय बनेका छन् । पराजुलीका रेकर्ड गित पनि बजारमा आएका छन् ।
पराजुलिसंग भने मिना बुढाथोकी रहेकी छन् । दाङमा जन्मेकी बुढाथोकी यतिबेला लाईभ दोहोरीमा पनि निकै लोकप्रिय सहित चर्चा कमाईरहेकी छन् । पराजुलीले आफुलाई भोट गर्न समेत आग्रह गरेका छन् । सामाजिक सञ्जाल फेसबुकमा भोटिङ कोड सहित भोट गर्न आग्रह गरेका छन् ।
“दोहोरी च्याम्पियन हेर्नुस है । अनि अब जिताउने जिम्मा हजुरहरुकै हो है…भोटिङ तरिका sms :- Type DC 05 Send To 33001 , Nepal television App डाउनलोड गरेर बिदेश बाट पनि भोट गर्न मिल्छ ।








































