सिन्धुपाल्चोक, बुधबार, २ असार २०७८ । पछिल्लो समय देश तथा विदेशमा रहेका नेपाली समुदायमा जन्मोत्सव मनाउने क्रम बढ्दो छ । सामान्यतया जन्मदिनमा केक काटेर साथीसँग रमाइलो गर्ने गर्छन् ।
तर केहिले भने जन्मदिनको केकसँगै विभिन्न कारण पीडित भएका, बिरामी, आर्थिक कमजोर भएका, बृद्धाआश्रम, बाल आश्रम लगायत अन्य सामाजिक संघसंस्थाहरुलाई विभिन्न सामग्री तथा आर्थिक सहयोग गर्छन् । त्यसै क्रममा नेपाल तरूणदल सिन्धुपाल्चोकका अध्यक्ष प्रमोद लामाले सुनकोसी गाउँपालिका-६,का सुत्केरी र अत्ति बिपन्न परिवारलाई खाद्यान्न बाडेका छन् ।
अध्यक्ष लामाले मंगलबार आफ्नो जन्मदिनको अवसरमा आफ्नै वडाको ६५ जना सुत्केरी महिला र अति विपन्न ५५ घरधुरीका परिवारलाई खाद्यान्न सामग्री वितरण गरेको हो । उक्त कार्यक्रममा सुनकोशी गाउँपालिका-६ का अध्यक्ष रामकुमार थापा, वडा सदस्य रुपकाजी लामा नेपाली काँग्रेस खेलकुद बिभाग केन्द्रीय सदस्य टपेन्द्र दर्नाल लगायत उपस्थित रहेका थिए ।
नेपाली कांग्रेसका युवा संगठन तरुणदलका जिल्लाका अध्यक्ष लामाले एक,एक बोरा चामल, नुन, तेल, दाल, हर्लिक्स्, अण्डा, चना गेडागुडी लगायतका खानेकुरा बितरण गरेर वडाबासीसँग जन्मदिन मनाएका हुन् ।









































