काठमाडौँ, शुक्रबार, २८ जेठ २०७८ । अगामी दिन खाद्यमा २० प्रतिशत छुटको व्यवस्था देशभर लागू हुने भएको छ । खाद्य व्यवस्था तथा व्यापार लिमिटेडका सूचना अधिकारी सर्मिला न्यौपाने सुबेदीले यस्तो व्यवस्था लागू हुने बताउनु भएको हो ।
खाद्य व्यवस्था तथा व्यापार लिमिटेले उपत्यकामा काठमाडौँको थापाथली, रामशाहपथस्थित बिक्री कक्ष, ललितपुरको नख्खु गोदाम र भक्तपुरको सुर्यविनायक बिक्री कक्ष तथा अन्य जिल्लामा कम्पनीका कार्यालय र बिक्री कक्षबाट सामाग्री उपलब्ध गराउँदै आएको उहाँले बताउनुभयो । “अहिले उपत्यकाको ४–५ ठाउँबाट खाद्य समान विक्रिवितरण गरिरहेका छौँ, यो व्यवस्था विस्तारै देशभर लागू हुनेछ, यातायातको समस्याले सामान लिन आउनेको संख्या कम रहेको छ”–सूचना अधिकारी न्यौपानेले भन्नुभयो ।
उहाँका अनुसार खाद्यमा भएको छुटले उपभोक्ताहरु लावान्धित भएपनि लकडाउनले यातायातको समस्या भने भोगिरहेका छन् । लकडाउनले यातायात नहुँदा समान लिन आउनेको संख्या कम रहेको सूचना अधिकारी न्यौपानेले बताउनुभयो ।








































