काठमाडौँ, शुक्रबार, २८ जेठ २०७८। नेपाल रेडक्रस सोसाइटीलाई नेपाल स्थित डेनिस रेडक्रसले आठसय शव व्यवस्थापन झोला हस्तान्तरण गरेको छ ।
मानवीय सेवाको उच्च निकाय सोसाइटीका कार्यकारी निर्देशक उमेशप्रसाद ढकाललाई यहाँस्थित डेनिस रेडक्रसका प्रतिनिधि सोक्क्षि डिईले आज झोला हस्तान्तरण गर्नुभयो । हस्तान्तरित झोला अस्पताल, सिसिएमसि तथा नेरेसोका जिल्ला शाखालाई उपलब्ध गराइने जनाइएको छ ।
को’भिड–१९ स’ङ्क्रमण, वाढी र पहिरो जस्ता विपदमा परी अकालमा ज्यान गुमाएकाको शव व्यवस्थापन ती झोला उपयोगमा ल्याइने छ । को’रोना स’ङ्क्रमित मृ’तकका स्थानीय स्तारमा नै झोला मार्फत शव व्यवस्थापन हुँदै आएको छ ।
सो अवसरमा कार्यकारी निर्देशक ढकालले कोरोना रोकथाम तथा नियन्त्रणमा सोसाइटीले उच्च प्राथमिता दिइ मानवीय सेवाका गतिविधि जारी जानकारी दिँदै सहयोगका लागि डेनिस रेडक्रसलाई धन्यवाद दिनुभयो ।
उहाँका अनुसार सोसाइटीले कोरोना महामारी नियन्त्रणका लागि स्थानीय स्तरका आवश्यकता अनुसार मास्क, स्यानिटाइजर तथा स्वास्थ्यकर्मीका लागि पिपिई, अस्पतालमा अक्सिजन कन्सन्ट्रेटर लगायत अत्यावश्यक सामग्री सरकार तथा शाखा मार्फत् सहयोग गर्दै आएको छ ।
साथै, स्वास्थ्य तथा जनसङ्ख्या मन्त्रालयले लागू गरेका जनस्वास्थ्यका मापदण्डलाई पालना गराउन सचेतना अभिवृद्धि समेत सञ्चालन गर्दै आएको छ ।









































