मकवानपुर, शुक्रबार, ८ जेठ २०७८ । पछिल्लो समय सुनिता बुढा क्षेत्री र सरोज सिम्खडाको चर्चा चुलिदै गइरहेको छ ।
चर्चित दोहोरी रियालिटी शो ‘दोहोरी च्याम्पियन’ को नवौँ दोहोरी भिडन्तपछि सुर्खेतकी सुनिता बुढा क्षेत्री र धादिङका सरोज सिम्खडाको चर्चा चुलिएको हो ।
निर्णायकहरुले सुनिता र सरोजको दोहोरी भिडन्तलाई निक्कै दमदार भएको बताएका थिए । निर्णायक चन्द्र शर्माले दुबै टिमको दोहोरीको प्रशंसा गर्दै उनीहरुको दोहोरीले आँखा नै रसाएको बताएका थिए । सुनिता र सरोजको दोहोरीलाई विशेष राम्रो भएको बताएका थिए । निर्णायक रमेश बिजीले पनि उनीहरु दुबैको निक्कै राम्रो भएको बताएका थिए ।
दोहोरी भिडन्तमा सुनिता र सरोजले ‘तिम्रै झल्को तिम्रै तिर्सना’ भाकामा दोहोरी खेलेका थिए । उनीहरुको दोहोरी सिलसिलेवार र दमदार भएकोले अहिले विशेष चर्चामा छ । दुबै पक्षको दोहोरी भिडन्त दमदार भएकै कारण यो जोडीहरुले अहिलेसम्मकै सबैभन्दा कम अंकको अन्तरमा हार जित व्यहोरेका छन् । सुनिता र मानसिहंलाई सरोज र सिताले ३ अंकको फरकमा पराजित गरेका हुन् ।








































