पोखरा, १६ बैशाख २०७८ गण्डकी प्रदेश सभा सदस्य दीपक मनाङे (राजीव गुरुङ) मन्त्री बन्ने भएका छन् ।
मन्त्री बन्ने आश्वासन पाएपछि गुरुङले मुख्यमन्त्री पृथ्वी सुब्बाविरुद्धको अविश्वासको प्रस्तावको विपक्षमा मतदान गर्ने तय गरेको बुझिएको छ ।
गुरुङको मत निर्णायक हुने भएपछि काठमाडौंबाट पनि शिर्ष नेताहरुले विभिन्न आश्वासनसहित फोन गरेका थिए । अन्तमा गुरुङ प्रधानमन्त्री ओली निकट पृथ्वी सुब्बा गुरुङबाट कन्भिन्स भएका थिए ।
बि स २०७६ मा नेकपा प्रवेश गरेका मनाङेले ‘ख’ बाट स्वतन्त्र चुनाव जितेका हुन् । उनले नेकपामा बुझाएको लेबी समेत फिर्ता मागेका छन् ।








































