काठमाडौँ, शनिबार, २९ फागुन २०७७ । नेपाली कांग्रेसका प्रमुख सचेतक बालकृष्ण खाँणले ‘आफैंले भंग गरेको संसद सर्वोच्चले स्थापना गरिदिएपछि प्रधानमन्त्री के पी शर्मा ओली जवाफदेही बन्नु पर्दैन,’ भनी टिप्पणी गर्नु भएको छ । ‘आफैंले भंग गरेको संसदमा कसरी अध्यादेश ल्याउने, कसरी नीति तथा कार्यक्रम प्रस्तुत गर्ने, कसरी बजेट ल्याउने। अहिले पनि प्रधानमन्त्रीले मार्गप्रशस्त गर्नुहोला भन्ने विश्वास छ।’ उहाँ भन्नुभयो ।
आज शनिबार प्रेस युनियन दाङले तुलसीपुरमा आयोजना गरेको पत्रकार भेटघाट कार्यक्रममा कांग्रेस केन्द्रीय सदस्य खाँणले प्रधानमन्त्रीले मार्गप्रशस्त गरेपछि कोर्ष करेक्सन भएर जाने र नगरे प्रधानमन्त्री थप नांगिएर जाने चेतावनी दिनुभयो ।
सरकारको नेतृत्व लिनेबारे नेपाली कांग्रेसले उचित समयमा उचित निर्णय गर्ने बताउँदै नेता खाँणले प्रधानमन्त्री समेत रहेका केपी ओलीले नेकपा एमालेका माधवकुमार नेपाल लगायतका नेताहरूलाई पदबाट हटाएको हुँदा अझै राजनीतिक परिदृष्य क्लियर भइनसकेको हुँदा कांग्रेस थप प्रतिक्षारत रहेको बताउनु भएको छ ।








































