काठमाडौं, बिहिबार, १३ फागुन २०७७ । सत्तारुढ नेकपा ओली समूहको आज विहान बस्ने भनिएको स्थायी कमिटी बैठक स्थगित भएको छ । गृहकार्य गर्नुपर्ने भएको भन्दै आजको बैठक स्थगित गरिएको छ ।
प्रधानमन्त्री केपी शर्मा ओलीका प्रेस सल्लाहकार सूर्य थापाले आज स्थायी कमिटीको बैठक नबस्ने जानकारी दिए । ‘आज बैठक नबस्ने भयो, एक(दुई दिनपछि बस्छ,’ थापाले भने । बैठक आज बिहान साढे ८ बजे प्रधानमन्त्री निवास वालुवाटारमा बस्ने तय भएको थियो ।
बुधबार बसेको पहिलो दिनको बैठकले सर्वोच्चको फैसलालाई सम्मान गर्दै १३ फागुनभित्रै संसद बैठक आह्वान गर्ने, पार्टीको अवस्थाबारे थप छलफल गर्न केन्द्रीय कमिटी तथा संसदीय दलको बैठक बोलाउने र बिभिन्न स्थानमा पूर्वनिर्धारित सभाहरुलाई निरन्तरता दिने निर्णय गरेको थियो ।
बुधबारको बैठकपछि नेताहरुले बिहीबार पनि बैठक बस्ने जानकारी दिएका थिए ।








































