काठमाडौं, ९ फागुन २०७७ । नेपाली कांग्रेसका नेता प्रदीप पौडेलले प्रधानमन्त्री केपी शर्मा ओलीका कारण नेपालमा राजनीतिक सँस्कार थप खराब हुँदै गएको बताएका छन् ।
प्रधानमन्त्री केपी शर्मा ओली र नेकपामा उनको समूहका नेताहरुले भाषणमा प्रयोग गर्ने शब्दहरुका कारण नेपालको राजनीतिक सँस्कार थप खराब हुँदै गएको उनले बताएका हुन् ।
‘ओली समुदायका सबैलाई अश्लील नबोलेसम्म धित नमर्ने लत लागिसकेको छ,’ उनले ओली र उनी नजिकका नेताहरुबारे लेखेका छन्, ‘यसले देशमा राजनीतिक कुसँस्कार जन्माइरहेको छ ।’
सामाजिक सन्जाल ट्विटरमा प्रदीप पौडेलको त्यसपछिको प्रश्न छ– तर्क र शब्दमा उनीहरु किन यति विपन्न र असहाय भए ?’








































