Opens in a new tab
२०८३ मंसिर ६, शनिबार
५:०१:१८ बिहान
- ADVERTISEMENT -

एचआइभी सङ्क्रमित बालबालिकालाई पढाउन ठोस योजना ल्याउँछौँ : मन्त्री श्रेष्ठ

प्रकाशित मिति: २०७७ फागुन ४, मंगलबार

523
Shares

काठमाडौँ, मंगलबार, ४ फागुन २०७७ । शिक्षा, विज्ञान तथा प्रविधिमन्त्री कृष्णगोपाल श्रेष्ठले एचआइभी सङ्क्रमित बालबालिकालाई पढाउनका लागि सरकारले ठोस योजना ल्याउन लागेको बताएका छन् ।

कीर्तिपुरको भत्केपाटीस्थित ‘सफलता एचआइभी शिक्षा सदन’ ले आज आयोजना गरेको सरस्वती पूजा कार्यक्रममा उनले एचआइभी सङ्क्रमित बालबालिकाको पठनपाठनका लागि सरकारले कुनै कसर बाँकी नराख्ने बताए । ‘सङ्क्रमित बालबालिका पढाउने दायित्व राज्यको हो, हामी त्यसका लागि चाँडै योजना ल्याउँदैछौँ’, उनले भने ।

मन्त्री श्रेष्ठले सङ्क्रमित बालबालिकालाई उच्च शिक्षा आवश्यक रहेको चर्चा गर्दै अहिलेको अवस्थामा सहज नभएको उल्लेख गरे । सङ्क्रमित बालबालिकाको पठनपाठनको विषय सरकारले नीति तथा कार्यक्रममै उल्लेख गर्नुपर्ने आवश्यकता औँल्याउँदै उनले आगामी आर्थिक वर्षमा त्यसलाई समावेश गरिने बताए । ‘शिक्षामा नयाँ परिवर्तनको खाँचो छ, कार्यदल बनाएर योजना अघि बढाउँछौँ’, उनले भने । सङ्क्रमित बालबालिका अझै पनि समाजका अपहेलित हुनुपरेको र त्यसको अन्त्य जरुरी भएको उनको भनाइ थियो ।

समाजमा एचआइभी सङ्क्रमित लुकेर बस्न नहुनेमा जोड दिँदै मन्त्री श्रेष्ठले आफ्नो परिचय खुलाउँदै अघि बढ्न सुझाव दिए । “सरकार एचआइभी सङ्क्रमितको साथमा छ, सरकारले अभिभावकको जिम्मेवारी निर्वाह गर्छ’, उनले भने । सरकारले सातवटै प्रदेशमा एचआइभी सङ्क्रमित बालबालिकालाई पठनपाठनका लागि योजना ल्याउने मन्त्री श्रेष्ठले उल्लेख गरे ।

प्रधानमन्त्री केपी शर्मा ओलीको निर्देशनमा ‘सफलता एचआइभी शिक्षा सदन’ सञ्चालनका लागि रु एक करोड उपलब्ध गराइएको सो अवसरमा मन्त्री श्रेष्ठले जानकारी दिए । प्रधानमन्त्री ओलीका धर्मपत्नी राधिका शाक्यले शिक्षा सदनको भ्रमण गरी जानकारी लिएको र ततपश्चात् अध्ययनरत सङ्क्रमित बालबालिकालाई जनही ३ हजार सामाजिक सुरक्षा भत्ता उपलब्ध गराइँदै आएको उनले स्पष्ट पारे ।

उक्त अवसरमा सफलता एचआइभी शिक्षा सदनका संस्थापक अध्यक्ष राजकुमार पुन र उपाध्यक्ष उमा गुरुङले सङ्क्रमित बालबालिकाको अवस्थाका बारेमा मन्त्री श्रेष्ठलाई जानकारी गराएएका थिए्। पुन र गुरुङ मिलेर आफ्नै लगानीमा ११ वर्ष अघि भत्केपाटीमा आठ आना जग्गामा दुई तले भवन निर्माण गरी उक्त शिक्षा सदन सञ्चालन गरेका हुन् । हाल यहाँ देशका विभिन्न जिल्लाबाट ल्याइएका २७ सङ्क्रमित बालबालिका अध्ययन गरिरहेका छन् । उत्तल सदनमा दश कक्षासम्मको पठनपाठनको व्यवस्था गरिएको छ ।

‘उच्च शिक्षा अध्ययन गर्नका लागि बालबालिकालाई मुश्किल भएको छ”, संस्थापक अध्यक्ष पुनले भने । उच्च शिक्षाका लागि सरकारको सहयोगको आवश्यकतामा उनले जोड दिए । एचआइभी सङ्क्रमित बालबालिकालाई भर्ना गर्न शिक्षण संस्थाले आनाकानी गर्दै आएको उनको भनाइ थियो । शिक्षा सदनकी संस्थापक उपाध्यक्ष गुरुङले एचआइभी सङ्क्रमित बालबालिका शिक्षाबाट वञ्चित भएको र त्यसका लागि सरकारले पहल गर्नुपर्नेमा जोड दिए । ‘सङ्क्रमित बालबालिकाले आफ्नो परिचय दिएरै पढ्न पाउने वातावरण बनेको छैन, अपमानित भएर बस्नु परिरहेको छ’, उनले भने ।

सो अवसरमा काठमाडौँ महानगरपालिका–२२ का वडाध्यक्ष चिनकाजी महर्जन, नेकपाका कीर्तिपुर नगरकमिटी अध्यक्ष राधाकृष्ण बस्नेत, इनरह्वील नेपालकी पूर्व ‘डिस्टिक चेयरम्यान’ सुनी जोशी र नेपाल पौडी सङ्घका कोषाध्यक्ष नाजिर उदीनले ‘सफलता एचआइभी शिक्षा सदन’लाई नगद रु ४५ हजार सहयोग प्रदान गरेका थिए ।

- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -
Nepal Exchange Rates
Currency
Unit
Buy
Sell
INR
Indian Rupee
100
160.00
160.15
USD
U.S. Dollar
1
148.97
149.57
EUR
European Euro
1
163.78
164.44
GBP
UK Pound Sterling
1
195.89
196.68
CHF
Swiss Franc
1
176.81
177.52
AUD
Australian Dollar
1
99.91
100.32
CAD
Canadian Dollar
1
104.13
104.55
SGD
Singapore Dollar
1
115.53
116.00
JPY
Japanese Yen
10
9.32
9.35
CNY
Chinese Yuan
1
22.34
22.43
SAR
Saudi Arabian Riyal
1
39.71
39.87
QAR
Qatari Riyal
1
40.87
41.03
THB
Thai Baht
1
4.40
4.41
AED
UAE Dirham
1
40.56
40.73
MYR
Malaysian Ringgit
1
36.22
36.37
KRW
South Korean Won
100
11.20
11.25
SEK
Swedish Kroner
1
14.68
14.74
DKK
Danish Kroner
1
21.91
22.00
HKD
Hong Kong Dollar
1
18.99
19.07
KWD
Kuwaity Dinar
1
482.10
484.05
BHD
Bahrain Dinar
1
394.88
396.47
OMR
Omani Rial
1
386.93
388.49
- ADVERTISEMENT -