लमजुङ, खुशीमाया गुरुङ, सोमबार, ३ फागुन २०७७ | प्रतिनिधि सभा विघटनको विरोधमा नेपाली कांग्रेसले सोमबार लमजुङ बेसीशहरमा विरोध सभा गरेका थिए । सरकारको विरुद्ध घोषणा गरिएको तेस्रो चरणको आन्दोलनअन्तर्गत कांग्रेसले सोमबार बेसीशहरमा प्रतिनिधि सभा विघटनको विरोधमा सभा गरेको हो ।
लमजुङको मनाङ चौतारबाट जुलुस सुरु गरेर सेरमा कोण सभामा परिणत गरिएको थियो । सभालाई सम्बोधन गर्दै स्थानीय नेताहरुले प्रधानमन्धी केपी शर्मा ओलीले प्रतिनिधि सभा विघटन गरेर निरंकुश बनेको आरोप लगाएका थिए ।
नेपाली कांग्रेसका सभापति भेषबहादुर पौडेलले सभालाई सम्बोधन गर्दै गणतन्त्र र प्रजातन्त्र जोगाउन आन्दोलनमा उत्रनु परेको बताउनु भयो ।
कम्युनिष्ट सरकारको विरोधमा आम नागरिकलाई एक भएर विरोधमा उत्रन नेपाली काग्रेस लमजुङका पुर्ब सभापती एवम सभासद चन्द्रबहादुर कुँवर, क्रमश पुर्व सभापतिहरु शंकरकान्त जोशी , तुलसीनारायण श्रेष्ठ र कृष्णप्रसाद कोइरालाले सभालाई सम्बोधन गर्दे आग्रह गर्नुभएको थियो ।








































