काठमाडौँ, बुधबार, २८ माघ २०७७ । संसद् विघटनविरुद्ध नेकपाको आन्दोलनरत प्रचण्ड-नेपाल पक्षले काठमाडौँका विभिन्न स्थानबाट जुलुस निकालेको छ।
साे पक्षले बुधबार बिहान ११ बजेबाट काठमाडौँका पुल्चोक, माइतीघरमण्डला, केशरमहल, त्रिपुरेश्वर र जमललाई केन्द्र बनाई जुलुस निकालिएको हो ।
मुल जुलुस भने सुन्धाराबाट सुरु हुनेछ । त्यसपछि भृकुटीमण्डपमा पुगेर परिणत हुने सभालाई अध्यक्षद्वय प्रचण्ड-नेपाललगायत शीर्ष नेताहरुले सम्बोधन गर्नेछन् ।
भृकुटीमण्डपमा विरोध सभाका लागि तयार मञ्च पारिएको छ । अघिल्लो पटक मञ्चमा सोफा राखिएको विषय सोसल मिडियामा भाइरल भएपछ यसपटक सोफा राखिएको छैन । समानखाले कुर्सीहरु राखिएको छ। विरोध सभामा सहभागी हुन नेकपाले गाउँ-गाउँबाट कार्यकर्तालाई काठमाडौंमा उतारेको छ। सभास्थलमा प्रहरीको बाक्लो उपस्थिति छ।








































