काठमाडौं, शुक्रबार, २३ पुस २०७७ । नेपाल विद्यार्थी संघ केन्द्रीय कार्यसमितिको निर्देशनमा संसद विघटन गर्ने अलोकतान्त्रिक तथा असंवैधानिक कदम विरुद्ध उल्टो हिडी विरोध कार्यक्रम सम्पन्न गरेको छ ।
प्राकृतिक स्रोत व्यवस्थापन कलेज कास्कीमा नेपाल विद्यार्थी संघ कार्य समितिबाट आयोजना गरिएको विरोध कार्यक्रम कम्युनिस्ट सरकारले जनताको मतलाई अपमान गर्दै असम्बैधानिक ढंगले चालेको गतिविधि गलत रहेको भन्दै हिड्नुपर्ने बाटो भन्दा ठिक उल्टो हिडेको छ भन्ने साङ्केतिक बिरोध जनाएका हुन ।
कम्युनिस्ट सरकारले यस्तै गतिविधि अगाडी बढाइरहे लोकतन्त्र र संविधान रक्षा का निम्ति भोलीका दिनमा जीवन मरणको लडाइँबाट पनि पछि नहट्ने नेविसंघ कास्की नेता राजीब बास्तोलाले बताउनुभयो।
कार्यक्रमको सहजीकरण ने बि सं प्रवक्ता चिरन्जीवी खड्काले गर्दै लोकतन्त्र माथि गरिएको प्रहार निम्ति सम्पुर्ण शक्ति एक हुन आवश्यक रहेको भन्दै कार्यक्रम सम्पन्न भएको जानकारी दिनु भयो।








































