गोरखा, सोमबार, १३ पुस २०७७ । नेपाली काग्रेसले प्रतिनिधीसभा निर्वाचन क्षेत्र नम्बर १ अन्र्तगत गण्डकी गाउँपालिकाको ताङ्लिचोक र अजिरकोट गाउँपालिकाको भच्चेकमा बिरोध सभा गरेको छ ।
नेपाली काग्रेस गोरखाले प्रधानमन्त्रीको सिफारिसमा राष्ट्रपति बिद्यादेवी भण्डारीले संसद बिघटन गरेको बिरोधमा जिल्लाको दुई निर्वाचन क्षेत्रमा आज बिरोध प्रर्दशन गरेको छ । गोरखाको ताङ्लिचोक र अजिरकोट गाउँपालिकाको भच्चेकमा बिरोध सभा गरेको पार्टीका जिल्ला सचिव नन्दप्रसाद न्यौपानले जानकारी दिनुभयो ।
उनीहरुले बर्तमान सरकार जनताको अपेक्षा कुठाराघात गरेको भन्दै बहुमत प्राप्त सरकारले संबिधानमा नै नभएको अधिकारको प्रयोग गरेको बताएका छन् । बिरोध प्रर्दशन अन्र्तगत प्रतिनिधिसभा निर्वाचन क्षेत्र नम्बर १ मा भएको कार्यक्रममा पार्टी केन्द्रिय सदस्य चीनकाजी श्रेष्ठले केपी ओलीको सरकार भष्ट्राचारमा डुवेको र भष्ट्राचारीहरुको संरक्षणमा लागेको आरोप समेत लगाउनुभयो ।
बिरोध प्रर्दशनलाई जिल्ला सचिव नन्द्र प्रसाद न्यौपाने, महासमिति सदस्यहरु राजनराज पन्त, राजेन्द्र बजगाई, भुगोल थापा, पूणर्बहादुर दाहाल, कमला लामिछाने लगायतले सम्बोधन गरेका थिए । बिरोध सभामा बोल्दै काग्रेसका नेताहरुले प्रधानमन्त्री केपी शर्मा ओली संसद बिघटन गरेर गैह्रसंबैधानिक काम गरेको भन्दै तत्काल संसद पुनस्थापना गर्न माग गरेका छन् ।
त्यस्तै क्षेत्र नम्बर २ को भच्चेकमा आजै भएको बिरोध प्रर्दशनमा बोल्दै पार्टीका केन्द्रिय सदस्य कमला पन्तले बर्तमान सरकारले संबिधानको ठाडो उल्लधन गरेको बताउनुभयो । उहाँले संबिधान बिरोधी हर्कत तत्काल नसच्याए काग्रेस थप ससक्त आन्दोलनमा उत्रन बाध्य हुने चेतावनी समेत दिनुभयो ।








































