काठमाडौँ, मंगलबार, ६ असोज २०७७ । खाद्य व्यवस्था तथा व्यापार कम्पनीले हरेक वर्ष खसीबोका खरिद गर्दे आइरहेको छ । यो वर्ष संस्थानले दशैंलाई लक्षित गर्दे ३ हजार खसीबोका खरिद गर्ने भएको छ । संस्थानले १४ सय च्याङग्रा र १६ सय खसीबोका खरिद गर्ने भएको छ ।
संस्थानले हरेक वर्ष खरिदबोका खरिद गरी सुपथ मूल्यमा बिक्री गर्दे आइरहेको छ । खाद्य ब्यवस्था तथा व्यापार कम्पनीले हरेक वर्ष दाङ, तुलसीपुर, नेपालगञ्ज, हेटौडा लगायतका स्थानबाट खसीबोका ल्याउने गरेको छ भने च्याङग्रा मुस्ताङबाट ल्याउने गरेको छ । यो वर्ष कति सङख्यामा ल्याउने भन्ने जानकारी गराए पनि कुन ठाँउबाट ल्याउने भन्ने विषयमा भने टुङ्गो लागेको छैन् ।
संस्थानले गतवर्ष खसीबोका खरिदका लागि ५ करोड ९८ लाख ८२ हजार बजेट छुट्याएको थियो भने यो वर्ष सोही परिणामको खसीबोका खरिद गर्न संस्थानले अनुमानित ५ करोड ९९ लाख ८६ हजार बजेट छुट्याएको छ ।
हरेक वर्ष झै संस्थानले यो वर्षपनि सुपथ मूल्य पसल संचालन गर्ने भएको छ । उक्त सुपथ मूल्य पसलमा खाद्य सामाग्री लगायत सम्पूर्ण सामाग्रीहरु सुपथ मूल्यमा खरिद गर्न सकिन्छ ।








































