काठमाडौँ, सोमबार, ५ असोज २०७७ । नेपाल बिद्यार्थी संघ जैमिनी नगरपालिका कार्य समितिद्वारा जैमिनी-१ मा बाढी पहिरो पीडितलाई राहत बितरण गरेको छ ।

गत २८ र २९ गते परेको भिषण बर्षाको कारण २ जनाको मृत्यु र करिब २५ घर बिस्थापित भएको थियो ।

पिडितको घाउमा मलम लगाउनका लागि ने बि संघद्वारा लत्ताकपडा, शैक्षिक तथा स्वास्थ सामाग्री गरी करिब ६ घरलाई बितरण गरेको छ । कार्यक्रममा नगर प्रमुख इन्द्रराज शर्मा, ने बि संघ नेता बिष्णु आचार्य, वडा अध्यक्ष र सदस्यको उपस्थिति रहेको थियो ।

कार्यक्रममा आफ्नो भनाइ राख्दै सदस्य सरोज सापकोटाले हामी हरेक कार्यमा साथ सहयोग गर्ने बताउनु भयो । विद्यार्थीले विभिन्न माध्यमबाट पैसा उठाउँदै, कपडा व्यावसायि संघ कुश्मिसेरासंग समन्वय गरी बितरण गरेको थियो । कार्यक्रम संचालन सुवास आचार्यले गर्नु भएको थियो ।









































