गोरखा, शुक्रबार, १२ भाद्र २०७७ । नेपाली काँग्रेस, जिल्ला कार्य समिति गोरखाका सचिब नन्द प्रसाद न्यौपाने गोरक्षानाथ बैदिक गुरुकुलमा खाधान्न सहयोग गर्नु भएको छ । स्वर्गीय पिताको सम्झनामा उहाँले गोरक्षानाथ बैदिक गुरुकुलमा खाधान्न सहयोगगर्नु भएको हो ।
स्वर्गीय पिता बद्धि प्रसाद न्यौपानेको २० औं स्मृति दिवशका अवसरमा गोरखा नगरपालिका ६ मा रहेको सो गुरुकुलमा आवासिय रुपमा अध्ययनरत विद्यार्थीहरुलाई अत्यावस्यक खाधान्न सामाग्री सहयोग गर्नु भएको हो । विद्यालयमा पुगेर उहाँले २ बोरा चामल, ५ केजी नुन, ५ केजी चिनी, ७ केजी दाल र ५ लिटर तेल लगायतका सामाग्री हस्तान्तरण गरेको जानकारी दिनुभयो ।
बन्दाबन्दीको आजको जटिल परिस्थितिमा बिधार्थीका लागि खानपान र ब्यवस्थापनमा समस्या नहोस भन्दै आफुले सहयोग गरेको काँग्रेसका जिल्ला सचिव न्यौपानेले जानकारी दिनुभयो ।









































