काठमाडौँ, सोमबार, २६ जेठ २०७७ । आइतबार एकैपटक तोलाको १० हजार रुपैयाँ बढेको सुनको भाउ आज पनि केही बढेको छ ।
आज (सोमबार) छापावाल सुन प्रतितोला ८७ हजार ५ सय तथा तेजावी सुन प्रतितोला ८७ हजार ६५ रुपैयाँ तोकेको नेपाल सुनचाँदी व्यवसायी महासंघले जनाएको छ।
आइतबारको तुलनामा सोमबार सुन १ सय रुपैयाँले बढेको हो ।
यस्तै, आज चाँदीको मूल्य तोलामा ५ रुपैयाँ बढेको छ । आज चाँदीको भाउ प्रतितोला ९३० रुपैयाँ रहेको छ ।
लकडाउनसँगै बन्द भएको सुनचाँदीको कारोबार आइतबारदेखि आंशिक सुरु भएको हो ।


















