काठमाडौं, २६ बैशाख २०७६ । नेपाली कांग्रेसका सभापति शेरबहादुर देउवाले प्रतिनिधि सभामा धारणा राख्ने भएका छन् ।
संसदको बजेट अधिवेशन आजदेखि सुरू हुँदैछ । संसदको कार्यसूची अनुसार आज संसदमा रहेका दलका नेताहरूले धारणा राख्नेछन् ।
प्रमुख प्रतिपक्षी दलका तर्फबाट देउवाले धारणा राख्ने प्रमुख सचेतक बालकृष्ण खाँडले जानकारी दिए ।
त्यस्तै, नेकपाका दलका नेता प्रधानमन्त्री केपी शर्मा ओली भए पनि उपनेता सुवास नेम्वाङले धारणा राख्नेछन् ।
समाजवादी पार्टीका तर्फबाट उपेन्द्र यादव र राजपा नेपालका तर्फबाट महन्थ ठाकुरले धारणा राख्नेछन्। संसदको अधिवेशन ४ बजेबाट प्रारम्भ हुँदैछ।








































