ललितपुर, ८ बैशाख २०७७ । बिश्वब्यापी माहामारीको रूपमा फैलिदै गएको नोबेल कोरोना भाइरसका कारण बिश्वमा नै जनजीवन अस्तब्यस्त एब असुरक्षित बनाएको आजको जटिल परिस्थितिमा चन्द्रसूर्य वचत तथा ऋण सहकारी संस्थाद्वारा ज्याला मजदुरी, असहाय र विपन्न परिवारका लागि राहत वितरण गरेको छ ।
संस्थाका सचिव कमल के सी को समन्वयमा, उपाध्यक्ष रोशन लाल श्रेष्ठको नेतृत्वमा, कोषाध्यक्ष गोविन्द घिमिरे लगायत संस्थाका सदस्यहरुको सक्रिय सहभागितामा सहकारी सस्था र श्रीकृष्ण प्रणामी क्लवको संयुक्त आयोजनामा अति बिपन्न परिवारलाई सामाजिक दूरी कायम गर्दै ललितपुर महानगरपालिका २३ र २४ वडामा बसोबास गर्ने ८० परिवारलाई खाद्यान्न सामाग्री वितरण गरिएको संस्थाका उपाध्यक्ष रोशन लाल श्रेष्ठले जानकारी दिनुभयो ।

संस्थाको अध्यक्ष रामशरण वस्नेतले नोबेल कोरोना भाइरस संक्ररमणको कारण लकडाउनको अवधिमा सुरु देखि नै सक्रिय रुपमा सहकारी संस्था र Lions Clubs International District 325 A1 अन्तर्गत खाद्यान्न सामाग्री वितरणमा निरन्तर लागिरहेको बताउनु भयो ।
आजको बिश्वब्यापी जटिल परिस्थितिमा हामी सबै मानव समुदाय एक भएर नोबेल भाइरस विरुद्ध लडनु पर्ने अवस्था सृजना भएको हुँदा आ आफ्नो ठाँउबाट एक आपसमा सहयोगी हुन जरुरी रहेको बताउनु भयो ।









































