काठमाडौँ, ८ चैत २०७६ । गोरखामा कोरोना संक्रमण रोकथामको कामना गर्दै विशेष पुजापाठ गरिएको छ ।
विश्वभर कोरोना भाइरसको संक्रमण फैलदै गईरहेको अवस्थामा नियन्त्रण र संक्रमितको स्वास्थ्यलाभको कामना गदै गोरक्षनाथ वैदिक गुरुकुलले विशेष पुजा गरेका हुन् ।
गुरुकुल ब्यबस्थापन समितिका अध्यक्ष पुरुषोत्तम अर्यालका अनुसार कोरोना नियन्त्रण र संक्रमितको स्वास्थ्यलाभको कामना गदै हनुमान चालिसा पाठ गर्न सुरु गरिएको हो ।
त्यस्तै , गुरुकुलमा रहेका वटुकहरुले विश्वभर देखिएको कोरोना संक्रमणको संकटबाट थप क्षति नहोस भनेर वायुपुत्र हनुमानलाई खुसी पार्नका लागि हरेक दिन बिहान र साँझ हनुमान चालिसा पाठ गर्न सुरु गरेका प्रधानाध्यापक इश्वरीप्रसाद उपाध्यायले बताए ।









































