Opens in a new tab
२०८३ मंसिर ६, शनिबार
६:५८:०८ बिहान
- ADVERTISEMENT -

बाल विवाहविरुद्ध सञ्चार अभियान सुरु

प्रकाशित मिति: २०७६ माघ २४, शुक्रबार

711
Shares

ललितपुर, २४ माघ २०७६ । सामुदायिक रेडियो प्रसारक सङ्घ (अकोराब) नेपालको आयोजनामा बाल विवाह विरुद्धको चार महिने सञ्चार अभियान सुरु भएको छ ।

सञ्चार अभियान अन्तर्गत देशका ७७ वटै जिल्लाका सामुदायिक रेडियोमार्फत १५ हजारभन्दा बढी व्यक्तिहरूको बाल विवाहविरुद्धको प्रतिबद्धता सङ्कलन गरिने अकोराबका अध्यक्ष सुवास खतिवडाले जानकारी दिनुभयो । उक्त अभियानमा प्रदेश स्तरीय छलफल कार्यक्रम पनि गरिनेछ ।

बालबालिकाको क्षेत्रमा कार्यरत संस्था वर्ल्ड भिजन इन्टरनेश्नल नेपालसँगको सहकार्यमा अकोराबले बाल विवाह विरुद्धको अभियान सुरु गरेको हो ।

अभियान अन्तर्गत आज बिभिन्न धर्मगुरू तथा अभियन्ताहरूसँग छलफल गरिएको छ । छलफलमा भाग लिँदै उनीहरूले धर्मग्रन्थले बालविवाहलाई मान्यता नदिएको बताएका छन् ।

हिन्दु धर्मका अगुवा रामचन्द्र भण्डारीले हिन्दु धर्मग्रन्थमा बालविवाहलाई उत्प्रेरणा दिने काम नगरेको दाबी गर्नुभयो । धर्मग्रन्थले बालविवाहलाई टेवा पु¥याएको भन्ने गलत प्रचार भइरहेकाले उहाँले विद्धानलाई बोलाएर खुला बहस गर्न जरुरी रहेको औँल्याउनुभयो । उहाँले हिन्दुको धर्मग्रन्थ मनुस्मृतिमा पनि २५ वर्षपछि मात्रै गृहस्थाश्रममा प्रवेश गरी विवाह गर्ने कुरा उल्लेख भएको बताउनुभयो । त्यसैले यस्ता राम्रा कुरा पनि बाहिर ल्याउन जरुरी रहेको उहाँको भनाइ छ ।

बौद्ध धर्मका अगुवा डाक्टर आनन्द भिक्षुले धर्ममा कहीँकतै बालबालिकाको अधिकार हनन हुनेगरी विश्लेषण गरिएको भए यसलाई संशोधन गर्न जरुरी रहेको बताउनुभयो । उहाँले धार्मिक गुरूले नै धर्ममा रहेका बालविवाहको पक्षविपक्षका कुरा सार्वजनिक गर्नुपर्ने र विपक्षका कुरा संशोधन गर्ने बाटोतिर लाग्नुपर्ने धारणा राख्नुभयो ।

जीवन जिउने कलाका रूपमा रहेको धर्मले कुनै पनि कारणले अफ्ट्यारो पार्न नहुने उहाँको तर्क छ । क्रिश्चिियन धर्मका अगुवा इशुजङ्ग कार्कीले बाइबलमा नै विवाह आदरणीय हुनुपर्छ भनेको टिप्पणी गर्नुभयो । उहाँले कृश्चियन धर्मावलम्बीले प्रवचनको माध्यमबाट पनि बालविवाह बारे चेतना बिस्तार गर्नुपर्नेमा जोड दिनुभयो ।

मुस्लिम महिला कल्याण समितिका अध्यक्ष सीमा खानले इस्लाम धर्ममा विवाह गर्ने कुनै उमेर नतोकिएको दाबी गर्नुभयो । उहाँले शारीरिक र मानसिक रूपमा सक्षम भएको हुनुपर्ने र केटाले जिम्मेवारी सम्हाल्न सक्नेभएमा विवाह गर्न सक्ने कुरा इस्लाम धर्मग्रन्थमा उल्लेख भएको जानकारी दिनुभयो ।

कार्यक्रममा मर्यादित महिनावारीका अभियन्ता राधा पौडेलले अहिलेसम्म बालविवाह गर्नका लागि घरपरिवारले धकेल्ने काम भइरहेको र समाजले तान्ने काम गरिरहेको धारणा राख्नुभयो । उहाँले घरबाटै महिलाले क्रान्ति सुरु गर्नुपर्ने र त्यसमा परिवारले साथ दिनुपर्नेमा जोड दिनुभयो । वल्र्डभिजन इन्टरनेश्नल नेपालका पब्लिक इङ्गेजमेन्ट निर्देशक पुस्कर खातीले कानुनी आँखाले हेरेर मात्र बालविवाह अन्त्य गर्न नसकिने बताउनुभयो ।

यसका लागि बहुआयामिक क्षेत्रबाट सोच्नुपर्ने उहाँको भनाइ थियो । महिला बालबालिका तथा जेष्ठ नागरिक मन्त्रालयको राष्ट्रपति महिला उत्थान कार्यक्रम प्रमुख अञ्जु ढुङ्गानाले सरकारले बालविवाह विरुद्ध १० वर्षे रणनीति कार्ययोजना तयार गरेर अघि बढेको बताउनुभयो ।

उहाँले राष्ट्रपति महिला उत्थान कार्यक्रममार्फत कुरीति विरुद्धको सामाजिक अभियान पनि सरकारले सञ्चालन गर्ने तयारी गरेको उहाँले बताउनुभयो । उहाँले यो कार्यक्रम सातवटै प्रदेशमा जाने र प्रदेशगत हिसावले छुट्टाछुट्टै कार्यक्रम सञ्चालन हुने जानकारी दिनुभयो ।

उहाँले बालविवाह गरे गराएमा तीन वर्षसम्म कैद र ३० हजारसम्म जरीवानाको कानुनी व्यवस्था रहेको पनि स्मरण गराउनुभयो । सामुदायिक रेडियो प्रसारक सङ्घ अकोराबका अध्यक्ष सुवास खतिवडाले धर्मले बालविवाहलाई निषेध नै गर्छ भनेर जनमानसमा पुर्‍याउन जरुरी रहेको बताउनुभयो ।

धर्मलाई हतियार बनाएर यसको दुरुपयोग भइरहेकाले यसलाई रोक्न धर्मगुरूको महत्वपूर्ण भूमिका रहने टिप्पणी गर्नुभयो ।

- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -
Nepal Exchange Rates
Currency
Unit
Buy
Sell
INR
Indian Rupee
100
160.00
160.15
USD
U.S. Dollar
1
147.98
148.58
EUR
European Euro
1
162.41
163.07
GBP
UK Pound Sterling
1
193.96
194.75
CHF
Swiss Franc
1
175.88
176.60
AUD
Australian Dollar
1
98.55
98.95
CAD
Canadian Dollar
1
103.33
103.75
SGD
Singapore Dollar
1
114.77
115.24
JPY
Japanese Yen
10
9.32
9.36
CNY
Chinese Yuan
1
22.16
22.25
SAR
Saudi Arabian Riyal
1
39.44
39.60
QAR
Qatari Riyal
1
40.61
40.78
THB
Thai Baht
1
4.36
4.38
AED
UAE Dirham
1
40.29
40.45
MYR
Malaysian Ringgit
1
35.98
36.13
KRW
South Korean Won
100
11.06
11.11
SEK
Swedish Kroner
1
14.51
14.57
DKK
Danish Kroner
1
21.73
21.82
HKD
Hong Kong Dollar
1
18.88
18.96
KWD
Kuwaity Dinar
1
478.90
480.84
BHD
Bahrain Dinar
1
392.29
393.88
OMR
Omani Rial
1
384.36
385.92
- ADVERTISEMENT -