काठमाडौं, १४ माघ २०७६ । रामेछापका नेपाल कम्युनिस्ट पार्टी (नेकपा) का दुई दर्जन नेता तथा कार्यकर्ताहरू नेपाली कांग्रेसमा प्रवेश गरेका छन् ।
काठमाडौंको बुढानिलकण्ठस्थित सभापति शेरबहादुर देउवाकाे निवासमा नेकपाका नेता तथा कार्यकर्ताहरूलाई नेपाली कांग्रेसको सदस्यता दिएर सभापति देउवाले पार्टीमा भित्र्याएका हुन् ।
खाँडादेवी गाँउपालिका वडा नं- ४ का थुप्रै नेता तथा कार्यकर्ताहरूले पार्टी परित्याग गरेर नेपाली कांग्रेसमा प्रवेश गरेका हुन् । पार्टी परित्याग गरेर कांग्रेस प्रवेश गरेका उनीहरूलाई सभापति देउवाले माला र टीका लगाएर पार्टी प्रवेश गराएका हुन् ।
पकरबास (सान्ने) का रामहरि कार्की, हरि कार्की र रामहरी गिरीको नेतृत्वमा २१ जना नेता तथा कार्यकर्ताहरूलाई नेपाली कांग्रेस प्रवेश गरेकाे रामेछाप कांग्रेस प्रवक्ता नारायण बहादुर खड्का जानकारी दिए ।
सभापति देउवाले भने- ‘रामेछाप जिल्लाबाट नेकपा परित्याग गरी धेरै युवा साथीहरू नेपाली कांग्रेस प्रवेश गर्नुभएको छ । उहाँहरूलाई बधाई छ पार्टीमा हार्दिक स्वागत गर्दछु ।’
नेकपा परित्याग गरि कांग्रेस प्रवेश गर्नेहरूले कम्युनिस्टहरू झुठको खेतीमा लागेर जनतालाई दुःख दिने कार्यमा लागेकाले नेपाली कांग्रेसमा प्रवेश गरेका बताए ।
उनीहरूले लोकतन्त्र रह्यो भने मात्रै देश र जनताको भविष्य उज्वल हुनेभन्दै कम्युनिस्टहरूको मीठा कुरामा नफस्न सबैलाई अपील गरेका छन् ।
नेपाली कांगेसमा प्रवेश गर्नेहरूमा हरिबहादुर कार्की, रामकुमार कार्की, रामहरी गिरी, सम्म्बर बहादुर मानन्धर, रत्न बहादुर श्रेष्ठ, दिपक कार्की, रामचन्द्र कार्की, दिनेश कार्की छन् ।
त्यसैगरि शेर बहादुर कार्की, कृष्ण बहादुर कार्की, रेवती कार्की, पुष्कर कार्की, प्रदिप सुनुवार(भिरपानी), सुजन कार्की, खेम बहादुर कार्की, बिनोद कार्की, गौतम कार्की,देवबहादुर श्रेष्ठ, विष्णु कार्की, वीर बहादुर कार्की र नारायण कार्की छन् ।
साे अवसरमा रामेछाप कांग्रेस सभापति लवश्री न्याैपाने, पूर्वसभापति रामचन्द्र खड्का, उप-सभापति जितेन्द्र कुमार माेक्तान, सचिव द्वय लेखबहादुर कार्की र विष्णु बस्नेत तथा महासमिति सदस्यहरू कान्छाराम तामाङ, बीर बहादुर तामाङ, ध्रुव लामा, अर्जुन केसी, लगायत नेता तथा कार्यकताहरूकाे बाक्लाे उपस्थिति रहेकाे थियाे ।








































