काठमाडौं, ४ माघ २०७६ । नेपाल सेल्फ डिफेन्सको आयोजनामा तीन शहरमा अन्तर्राष्ट्रिय सेल्फ डिफेन्स सेमिनार हुने भएको छ ।
एक समारोहका बिचमा राजधानीमा पत्रकार सम्मेलनको आयोजना गर्दै नेपाल सेल्फ डिफेन्स संघले अन्तर्राष्ट्रिय सेमिनारका बारेमा जानकारी गराएको हो ।
उक्त कार्यक्रम यहि माघ ७ गते पोखरामा, १० गतेदेखि १३ गतेसम्म काठमाडौंमा र १४ गतेदेखि १६ गतेसम्म जनकपुरमा हुने अन्तर्राष्ट्रिय सेल्फ डिफेन्स सेमिनारमा अमेरिका र पोल्यान्डका ग्राण्ड मास्टरहरुले प्रशिक्षण दिने आयोजकले जनाएको छ ।
सेमिनारमा नेपालका ४० जिल्लाका सेल्फ डिफेन्सका प्रतिनिधि एवं प्रशिक्षकहरुले अन्तर्राष्ट्रिय सेल्फ डिफेन्सको लाइसेन्स प्राप्त गर्नका लागी प्रशिक्षण कार्यक्रममा सहभागी जनाउने भएका छन । सेमिनारमा अन्तर्राष्ट्रिय रूपमा ख्यातिप्राप्त सेल्फ डिफेन्सका ग्राण्ड मास्टरहरुबाट हिंसाबाट कसरी बच्ने, हिंसामा परेका बेला आफुलाई कसरी सुरक्षित रहन सकिन्छ । सेल्फ डिफेन्स कला किन सिक्न जरुरी छ यसको जिज्ञासा यो सेल्फ डिफेन्स तालिम सिकाउने नेपाल सेल्फ डिफेन्सकी नेपाल प्रमुख सञ्जु महर्जनले बताउनु भयो ।
नेपाल प्रमुख महर्जनले यो अन्तर्राष्ट्रिय सेल्फ डिफेन्स मार्फत नेपाल सरकारले घोषणा गरेको नेपाल भ्रमण बर्ष २०२० लाई पनि सहयोग पुग्ने बताउनुभयो । बिदेशबाट आउनु भएका प्रशिक्षकहरुबाट सेल्फ डिफेन्सको कला सिक्नुका साथै उहाँहरुलाई नेपालका रमणीय पर्यटकीय ठाउँहरुमा समेत भ्रमण गराई नेपालको विविधताका बारेमा जानकारी गराइने उहाले भन्नुभयो ।
नेपालमा बर्षेनी महिलाहरु माथी हुने बलात्कार र हिंसाहरुलाई कसरी निरुत्साहित पार्न सकिन्छ साथै यो तालिमको उदेश्य पनि हिंसामा कमी ल्याउन नै रहेको नेपाल सेल्फ डिफेन्सका अध्यक्ष डि बि रानापालले बताउनु भयो । उहाँका अनुसार उक्त सेमिनारले दक्ष सेल्फ डिफेन्स प्रशिक्षक उत्पादन समेत गर्ने बताउनु भयो । नेपालका तीन ठाउँमा कार्यक्रम गर्दा करिब २० लाख खर्च लाग्ने सेल्फ डिफेन्स संघका प्राविधिक राधिका हमाललेले जानकारी दिनु भयो ।









































