काठमाडौँ, १० पौष २०७६ । राष्ट्रिय आविष्कार केन्द्रलाई कास्की जिल्लाकी ८४ वर्षिया वृद्वा असरी गुरुङले एक लाख एघार हजार एक सय एघार रुपैयाँ सहयोग हस्तान्तण गरेकी छिन् ।
वृद्वाले कास्कीको माछापुछ्रे गाउँपालिका ३ को तल्लो घ्याचोक स्थित आफ्नै घरमा उक्त रकम आविष्कार केन्द्रका अध्यक्ष महावीर पुनलाई हस्तान्तरण गरेकी हुन्। सहयोग रकम भने साउदी अरबमा रहेका उनकी छोरा रामबहादुर गुरुङले पठाएका हुन् ।
गुरुङले साउदीबाटै आविष्कार केन्द्रका अध्यक्ष पुनलाई सम्पर्क गरेर रकम बुझ्न अनुरोध गरेका थिए ।
सहयोग रकम बुझेपछि पुनले रकमको व्यवस्था गर्ने साउदीमा वैदेशिक रोजगारीको सिलसिलामा रहेका रामबहादुर र उनको ८४ वर्षिया आमा असरी गुरुङलाई सु-स्वास्थ्यको कामना गर्दै धन्यबाद ज्ञापन गरेका छन् ।









































